Khuafo khua tlaknak kong he petlai in

Khuafo ram cu a hlan ah ram lawng asi,Hniar lawn pa nih Chun cung khua lu Zinghmuh tlang let Timit varal ,Pial ttal zolo taw,theithang Khangcarawn ah khua a rak tlak ,Cu ka i an rak um lio ah cun Mualcin chung pa lo cu Ngalkhat nih zan chiar te a rak ei tawn ,zan ah a bawh tawn nain zei ti hmanh in a that kho lo cu caah cun Mualcin pa nih ni khat ah a fei pi aa put i Ngal khat cu a neh in a dawi i a bu ah a phak,a bu chung ah a fei piin a chunh i a bu ah cun a that khawh,A thaizing ah an khua pi in Ngal sa phurh ah an rak kal .Ngal sa can pah in cun khua an rak cuan i "mah hrawng hi ram tha ngai asi hi ta ,mah ka ah hin khua kan tla lai ,"tiah an rak ti .Inn an tlun hnu cun Mualcin pa nih khua thar tlak a sawm hna i a ho hmanh nih an rak duh lo .Fam Cun pa pa khat lawng a rak sawm khawh i Khuafo khua cu Mual Cin pa le Fam Cun pa nih an rak tlak .An hnu in khua dang nih an fuh hna i inn tlawm te an rak si i ca le ral veng tu an ngei lo caah Mangkheng khua in Hlawnceu chung pa Tial Khup cu khua bawi ah an va put i Tial Khup nih cun khua cu a sak pi hna. Khuafo khua ah cun sau pi khua an rak sak hlan ah voi khat ah ,Khuafo cu Thantlang an va tlawng hna i zu din nak ah Tial Khup fapa Khua To nih Thantlang pa pakhat a rak thah .cu caah cun Thlangtlang nih an phu an hlam ah cun Khuafo cu an kan thah dih lai ti kha an phang i Thantlang rem ah cun Famcun pa le Hnialum chungpa No Tlir cu thantlang ah an rak thlah hna.thantlang cu an rak rem kho hna lo i Thantlang cu an tih hna ruang ah Khuafo cu an khuapi in an ttio i Tio va ral Mar ram chung Runzawl ah an kal i Cerhlun khua ah an rak um .          Ma hi hi Pu Ngun To ca tial mi in lak mi asi i a hman thlu le thlu lo cu theih a si lo fiang deuh in a thei mi kan um ah cun rak tial cio uh tiah kan in sawm hna , Khua lei mi cah kan in duh mi hna cu a luan cio mi 2001 ah khua mi nih kan rak tuah mi (Diamon or Goldden Jubilee)tuah lio ah khan ca tial mi khuafo thawh keh ning cang kha asi khawh ah cun KFC u pa ram leng um sin ah phan kho seh law tha deuh in Print tuah kho than uh sih law a tha lai tiah ruah nak ka ngei,cun a si ning zong kan theih deuh fawn hnga , lunglawmhnak tampi he Ngun Tha Hniang pa