Kawl Ralkap nih Kachin Ralkap Atuk Cang Lai

Kachin National Organization timi Kachin ramkhel bu cu Kawlram cozah thar nih tuk dingin an timh cang tiah Kachin National News maivan inn nih thawng an thanh.Kachin National Organization nih
hin KIA timi Kachin Independence Army timi an i ngeih. Ralkap thazang zong an thawngtha ngai.1994 kum thawkin Kachin National Organization cu cozah he kah ngawlnak an rak tuah. Kawlram ah cozah thar an ser hlan deuh te ah KIA cu Kawl ralkap he i fonh ding in sawm an si nain, KIO nih a duh lo. Cu tin an duhlo ni thawk in, Kawl ralkap nih KIA cu 'ralhrang' taungciantu tiah October thla 2010 ni ah khan an auh than hna.

Cu ti cun Kawlram cozah thar nih 'taungciantu' tiah an auhmi hna cu KIO ram dang lei pehtlaihnak rian ngeitu James Lun Dau nih cun, kan si lo tiah a leh rulh than hna. A mah nih cun KIO cu daihnak  a kawl cuahmah mi bu kan si an ti.
          Kawlram cozah thar ser ding caah rak tuahmi 2008 Phunghram zong ah KIO cu hnatlaknak a rak ngei ko. Asinain, Kawl ralkap cozah nih KIA cu ralkap he i fon dingin an auh lengmang hna i, KIO nih an duh bak ve lo caah, KIA le Kawl ralkap karlak ah i eren nak aum. Hriamnam thlah dih i, Kawl ralkap kuttang ah khup bil lai ding cu KIA nih an duh bak ve lo.
        KIO nih ralkap thazang thawnter deuh ding in an i zuam i, Kawl ralkap nih an rak kan tuk ah cun kan tuk than hna lai tiah timhlamhnak tha tein an ngei cia ve. Kawlram chung ummi tlangcungmi dihlak fonhmi United Nationalistic Federation Council cu ser asi i, KIO zong ai tel ve. UNFC ah cun, tlang cungmi ralkap bu 12 an i tel. Kawl ralkap cozah nih tlangcung mi a tuk hmaset ah cun, za pi tein i bawm i leh rulh than ding tiah timhtuahnak an ngei.

KIA batallion 4 a umnak hmun Shan ram chaklei ah hin ral tuknak ai thawk lai tiah zumh asi tiah KIO center umnak Laiza in KIO upa hna nih an chim. Cu tin Kawl ralkap nih an vun tuk hna ah cun Shan ram chak lei le Kachin ram chung hna ah ral biatak tein atho lai tian KIO upa hna nih an chim.Written by Suihleng (Ch: KNG)