khuafo family community

Monday, October 10, 2011

Karen(KNLA) le DKBA kawm in Burma Army LIB 202 an kah hna

Oct 3,2011 afternoon ah Democratic Karen Buddhist Army le Burma Army LIB 202 mountain road (lam) an timi Myawaddy le Kawkariek karlak ah i kahnak a um i LIB 202 in pakhat (1) a thi i pathum (3) an thi kho hna lo i ralkap Hospital Tuangalay,Pa-an Town ah an chiah hna .

Kawl ralkap hmapu mi lakah nupi le fa le he LIB 202 camp ah ummi an um. A nupi nih ralkap camp um cu a har taktak khi a si ko. Zei caah ti cun cozah lei in eidin an kan pek mi kan i zah ti lo a leng ah kan paw cawmnak caah ei din (vegetables) hna kan zuar. A tu ka va pa fak ngai in hliamhma a pu tik ah zeitin dah hmailei kan khuasak lai ti ka ruat kho lo tiah Karen thawngpang hlattu sinah a chim. Hospital a tuan mi Doctor pa nih cun kawl ralkap hmapu mi hi an hma a fak taktak ko tiah a chim chih.

Hi ni thiam thiam ahhin Democratic Karen Buddhist Army (DKBA) Brigade 5 tang ah a um mi Klo Htoo Wah Tactical Command le Karen National Liberation Army (KNLA) Battalion 101 he kawmh in LIB Battalion 202 a dang in an ra than i an va phawm than hna. Kawl ralkap minung 6 an thi i minung pali (4) hmapu mi an um. DKBA lei in biachimtu Major San Aung nih Karen ralkap lei in a thi mi le a hliam mi kan um lo tiah Karen News sin ah a chim. DKBA Brigade 5 (five) hi ram cawn a duh lo mi an si. DKBA cu 1995 ah KNU in bu dang a chuak mi an si. Nihin ah cun micheu cu an lung a fim i KNU he rian an tuan ti than i kawl cozah ralkap pi cu luan rualte in an doh ti than.

Burma Army LIB 202 hi command of Division 22 and headquartered Pa-an Town tang ah a um mi an si.

KNLA ah hin Sweden nungak dawh te zawng ai tel ve i ral hmai bak ah a mah nih a hruai ko hna.

1st january to 30th June 2011 tiang ah hin KNU (KNLA) ralkap le Burma Army (Kawl ralkap) awi 793 times an i kap cang. Burmese Soldiers (kawl ralkap) minung 740 an thi cang i hliam hmapu minung 998 an si cang .KNLA (Karen) ralkap lei in minung pariat(8) an thi cang i hmapu minung pariat(8) an si tiah Karen National Union (KNU) lei in an chim.

Kawl ralkap(Burma Army) nih hin Shan,Karen,Karenni,Kachin, hna hi tu lio biatak tein a kah/doh cang mi hna an si.

KNLA senior officer pa nih cun tlangcung miphun lungrual tein Burma Army kan doh ti hi a biapi cam mi asi ko tiah a chim rih.

KNU cu United Nationalities Federal Council(UNFC) member a si ve. (Global Chin News)

Ref:Karen News.

No comments:

Khua tthanchonak

Khuafo family community(KFC) cu September, 19,2010 in rak thawk le dirh asi i zum tu kan dih lak/ ram chung um he ram leng um he kan thlacamnak kan Biak i a nung mi Pathian nih a kan ngeih piak i buai bainak le hna hnawnhnak zei hmanh um loin tein ni hin tiang tluang tein kan kal khawh caah Pathian kan thangthat.Hi ban tuk in zum tu kan dih lak nih thla cam hi tang ko hna usih law KFC hi hmai lei ah cun a tha hnem mi Khua chungah remnak, deihnak le rualremnak a chuah ter khawh nak ding caah.

Pathian nih kan tuannak le kan tuak tan mi cungah hin a hlei in thlawchuah a pek tawn caah KFC caah kum dang bantuk in kan thawh tawn mi ning khan kan kal rih lai i kan thawh lai tiah bia chahnak ngei asi i lungtho tein le lawm te cio in Ram thumnak( US, Austrilia le Newzealand lei in bia tak deuh in thawh khawh le tha pek khawh kan i zuam hna lai ti kha Bawi khrih min in kan in nawl hna.

A thawnh caan cu January 2012 in asi lai i a zah cu $20.00 thla khat ah asi lai. Mah hi Family le Single zong ai khat lai. Malaysia um mi kan hawi dawt hna cu a tu hi an thawh pah cang ti thawng kan theih i kan i lawm tuk a mah bel te cu Malay caah cun a ret kan khiak lo i an mah le upa nih an khiah ning paoh khan asi ko lai.

Thawhnak ding le phaisa kengtu ding hna cu: USA ah Pu Chan Hmun Thawng

Austrilia...Pu Siang Hlei Thang le

Newzealand...Pu Bual Khar hna an si lai i zaangfahnak tein a rawk tuk cang mi kan khua te kha tun ter than le a hring mi khua ah kan ser than lai.Khua thancho ter tu dingah kan dih lak in rian kan ngei cio i kan bia pi dih cio.

Cun KFC a dirnak in kum 5 a kal hrawngah Megazin chuah khawh kan i zuam lai i mah chungah ca tial le ruahnak nan ngeih mi cio zong tial khawh asi lai caah i ruat chung cio uh. Cu chungah kan tial bik cem ding mi cu kan kal tak mi khua chungah kan tuah khawh mi tete hna an um i tial awk le langh ter awk an that ah cun thil dawh ngai asi hnga, a hlei in KFC a daw i ruahnak le chawva in tha a pe mi nan dih lak hrelh loin nan min le thawh zah zong langh ter khawh kan in zuam hna lai. Mah hi KFC hi Pathian nih dir kamh peng seh law dong lo in thangcho ter kan i zuam hna lai.

Nan dih lak cungah Pathian nih deihnak in pe ko hna seh.

Bersembung............

NAN CUNGAH PATHIAN DAWTNAK UM KO SEH
*Aaron Tawk Al*

Colonel Van Kulh Tuanbia (BGM, BAR)

Chinmi nih kan ngeihmi pasal ttha lakah pasal ttha a simi Colonel Van Kulh nih March 11. 2012 ah vawleicung nunnak in a kan kal tak cang tiah kan theih ni cu kan miphunpi caah ngaihchia le

lunglen ni a si ko. Nunnak cu tlaih awk a ttha fam lo. A tuanbia tu cu Kawlram le Chinmi kan van hmunh chung a van hmun ve ko lai. Kan nun chung/ kan chan ah Chinmi nih kan tonmi Chin Pasal ttha pakhat a si. Hika hin amah upatnak kan pek i a chungkhar sinah kan ngaih a chia ve.

Pu Van Kulh Bia Rovuih

Pu Van Kulh tuanbia tampi lakah atang i Pu Ceu Uk Thang nih a van ttialmi tawite hi kan van tar. Editor/GNC

Colonel Van Kulh (BGM, BAR)

Pu Van Kulh cu Hlawnceu hrin Pu Tai Thio le Pi Sun Dim nih 1925 kum October 1, ah Khuahringtlang, Tikhuagtum khua ah an hrin, Chuahpi unaurual panga lakah amah lawng hi pa a si. Tlangpi tangli sianginn in 1938 kum ah tangli a awng. Tlangpi khua ah sianginn a rak um ka te a si. 1938 ah Hakha peng in Scholarship a hmu i 1942 ah Falam Anglo Vernacular High School in tangsarih a awng. Vawlei ralpi II Lairam a phanh caah sianginn a pit. November thla ah Mirang pa Major Davidson sawmnak in Western (Chin) Levies ah a lut. Ralkah lei minthatnak “Burma Gallantry Medal” timi BGM voihnih a hmu. “BGM voihnih a hmumi midang ka theihmi an um lo” tiah a ti..

1945 ah Japan ral a dih in university ah ca ka cawng lai ka ti nain Mirang an Commanding Officer nih a auh i, ralkah na thiam, Mirangholh thate in na holh kho, Mirang ca zong thate in natial khawh, cucaah ralkap in chuak hlah, ralkap chungah cacawnnak le training tuahnak tampi a um, na thiam chinchin lai, na reng zong a kai chin lai, tiah a rak ti. Cu cu a lung a pem i ralkap in chuak loin ralkap chungin cunglei tiang phanh khawhnak aa zuam.

Cubantuk tein 1946 ah Burma Army Education School a kai i, thate in “First Class” in a awng. Cucu tanghra he aa tlukmi a si. Cun 1953 kum Lashio an um lioah a leeng in matriculation camipuai a phi HSF a awng. Karachi ah khin 1945 kum ah Intelligence Course a kai i thate in a awng. Mirang sayate um lio 1951 kum ah Burma Army Staff College a awng. Luatnak kan hmuh hnu ah ralkap upadi lawng si loin civil upadi zong a cawn chih i thate in a awng.

1942 November thla, Levy ralkap a luhka tein bokhat (Jemadar) a hmuh colh. 1945 December 15 ni ah Mirang reng (Rank) Second Lieutenant a hmuh. 1946 ah Lieutenant ah a kai i 1947 ah bothum (Captain) ah a kai than. 1948 luatnak kan hmuh kate ah Major reng a hmuh. 1950 kum ah (kum 25 a si ah) Battalion Commanding Officer, Lieutenant Colonel a si. 1962 kum (tawhlanzi cozah an kai lio) ah Full Colonel reng ah a kai. 1971 kum ah kawlram pumpi huap Social Welfare Deputy Minister a hmu. 1974 kum ah Minister a si. 1978 ah State Council Member ah a kai. 1988 kum buainak ah khan penson in aa din. Acozah rian, ram le miphun caah minchiatnak pakhat hmanh um lo tein kum 45 bak a tuan.

Laimi nih kan hluang ruhpi ah kan ruahmi Hakha-Gangaw lam pi khi Pu Van Kulh hruainak thawngin kan pemh khawhmi a si. Amah zong nih “Party Council zuamnak le mipi zuamnak thawngin Gangaw kan rak pemhmi kha lunghmui awk bik a si tiah ka ruah. Aho hmanh nih zanmang hmanh ah an rak manh khawh lomi thil Pathian nih a kan tuahpiak caah lunghmuih lo awk a tha lo. Pathian kan thangthat tuk”, tiah aa lunghmuihnak kong a langhter. .

Pu Van Kulh hi fanu pakhat le fapa pathum a ngei. A fanu cu, Van Sui Em (Emma) a si. A pu Chief Thang Tin Lian fapa Pu Za Hre Lian min sakmi a si. A fapa pawl cu; Van Thang Chin Bik (tleicia), Van Lian Chin Thang le Van Hniang Lian an si. “Kaa bochan cemmi ka fapa upa bik Thang Chin Bik nih tinbaw lei chief officer a awnka te ah Singapore ah a ka thihtaak, ka van a chia tuk” tiah a ti. (Thang Chin Bik hi a pa lei chungkhat le Laimi a tlaihchan bikmi a fapa a si. A ni le zong a dawt ngai ngai hna. Hakha zong ah a rak tlung i kan u le deuh pawl nih Rungtlang ah an rak kaipi bal).

Ceu Uk Thang

USA Indiana ah ngeihchiatnak kan tong

US ram Indianapolis khua ah ngaihchiatnak faakpi kan ton caah thlacamnak in nan rak kan bawmh cio nak hnga Bawi Khrih min in kan in nawl hna. Kan hawidawt a simi hna Pu Lian Khuai Peng le Vaal Hei Kung (David Lal) cu zahan 10:30 pm ah Meithal in an i hmaw sual i an pahnih in an nunnak a liam. An i tuahhmawtnak hi a ruang fiangfai ngai ngai in kan thei dih lo nain, chungkhar nih an kan chimhnak ah, pakhat le pakhat duhlonak ruang i ituah hrammi si lo in, i thlaphoih ruangah a cang sualmi asi.

Pu Lian Khuai Peng cu Hakha Khuahlun Pu Sui Mang (tleicia) fapa a si i a chuahpi a u le nau cheukhat cu; Pi Annie Ling (Washington D.C.), Pu Siang Ceu (Washington D.C.), le Pu Cung Bik Ling (Switzerland) hna an si. Vaal Hei Kung cu Yangon i khua a sami Pu Thla Peng fapa a si. Pu Sui Mang le Pu Thla Peng cu unau chuakkhat te an si i Pu Lian Khuai Peng le Vaal Hei Kung cu innlak unau (cousin) an si. Hi bantuk in ruahlotuk in thil kan hun ton cu Indianapolis ummi Laimi vialte kan ngaih a chia hringhran.

An ruak cu Indianapolis Marion County Coroner ah Palek nih an kalpi hna i thaizing zanlei sang in Funeral Home ah lak khawh an si te lai. Zeitik ah dah thlan a tlak lai ti bia fiangfai a um rih lo. Bia fiang a um lecangka in thanh khawh kan rak i zuam tthan te lai. Hi bantuk in ruak kan i hunh chung cu Pu Lian Khuai Peng i a kaltaakmi a nupi Pi Esther Par inn ah Zan fatin 7:00pm lengmang ah tthutpinak le pumhnak ngeih a si lai.

Ngaihchaitpinak he,

Lal Cung Awi (Church Pastor)

Indiana Chin Baptist Church

Indianapolis

UNHCR LE COMMUNITY UPA PAWL TONNAK AN NGEI

UNHCR tang i a ummi Community Development Unit (CDU) hruainak in thlahnih voikhat tluk tuah tawnmi CDU meeting cu Feb 16 (Thursday) ah khan tlamtling tein an tuah.

Kan thawngpang chiat lio he aa ton tikah meeting a kaimi zong an tam ngai i UN lei nih zeibantuk ralrin bia dah an chim lai tiah i ngaih ngai a si. Sihmanhsehlaw cubantuk lei siloin community kip in hruaitu thar an thimmi hna nih a luancia caan i an rianṭuannak konghe pehtlaih in theih a herhmi vialte vun chimh ṭhannak deuhtu a si. RSC interview konghe pehtlai in Officer pakhat nih theihternak le fianternak vialte a tuah dih. Hi zawn i biahalnak an tuahmi ah “ RSC (OPE), DHS le thisit kan i lim hnuah zeithawng hmanh an kan thanh tilo i a donghnak ahcun RSC nan phi ṭhan lai tiah thawng an kan thanhmi hi zeiruang ahdah a si” tihi a si. Bialehnak a tuahmi cu “a hramthok bik nan rak chimmi nan case ah chungkhat unau konghe pehtlaih in a fiang lomi zong a um kho, cun RSC interview nan phit ni ah nan profile catlap chung i Seal an cumhmi hi thla 15 tiang lawng a nung kho, thla 15 a luan sual ahcun a thar in tuah ṭhan a si” tiah a leh hna.

Culawng siloin Malaysia ram ah ralzaam dirhmun in rian kan ṭuannak konghe pehtlai in minung pazeizat nih dah wire rian, thil zuar, construction le restaurant tbk rian hi kan ṭuan timi kong zong Officer pakhat nih theihternak a tuah. Malaysia ram chungah Restaurant le rawl dawr ah rian a ṭuanmi hi 46%, Construction le wire ah 24%, Market le shop ah 10%, tisik anhnah cinnak le rili kam ah 10%, sehzung le sinum le chungkhar rian (Domestic work) a ṭuanmi hi 10% tluk nan si tiah a fianter. Cun, ralzaam a thong tampi chungah kum 12 in 17 kar hi Pa: 2852, Nu: 2111, kum 18 in 25 kar hi Pa: 17223 le Nu: 6533 nan um tiah theihternak a tuah chih.

Meeting a donghnak leiah refugee kan siko bu ah fimnak lei zong hi pakhatnak ah chiah ding a si timi konghe pehtlai in Officer pakhat nih, UN card in sianginn kai khawhnak tampi a um tiah thawng thanhnak a tuah. Cun, March thla chung i 6P, kutnamnak konghe pehtlai in community upa sinah thawng thanhnak kan tuah te lai timi zong an chim chih.

“Phungning loin nan umnak ah tlaihkhih nan ton sual ahcun zakhat ah zakhat cu kan i luatter khawh hna lai tiah bia kan i kamh ngam hna lo, ralring deuh tu in um thiam i zuam ko u,” tiah Officer pakhat nih a donghnak bikah a chim. (CSO chung in lak mi)

CNF Pehtlaihnak Zung Tedim ah Ser Dingin Tedim CNP nih An Hnatlaby Salai Chimbu

Chin miphun pi aiawh in hriamtlaihnak in siseh, hriam tlai lo in siseh, dohthlennak atuah cuahmah tu Chin National Front nih pethlaihnak zung Tedim peng ah chiah dingmi kong he pehtlai in Tedim peng i CNP party nih hnatlak pinak an langhter.

CNF le Chin State cozah cu kahngolnak hnatlaknak January thla ah an rak tuah khawh i, cu tin an tuahnak ah aitel ve mi thil pakhat cu Thantlang peng, Tedim peng, Paletwa peng le Matupi peng tbtk hna ah CNF pehtlaihnak zung pawl chiah ding ti a si. Cu tiin CNF pehtlaihnak zung chiah ding kongkau he pehtlai in Tedim peng kulh chung ummi a bikin India ram lei ah chawletnak a tuah tu cheukhat nih CNF zung chiah ding kong ah duh lonak kong chim le tial a um len tiah Global Chin nih thawng a theih. Tedim holh in email group sermi Zonet group ah mi tampi nih CNF pehtlaihnak zung chiah ding kong he an duh lonak an tial. Mi cheunih an tialnak ah cun Zomi ralkap ser ve i 'i cheih ding' ti tiang khi an tial mi kongkau hna cu Global Chin news ah theihternak tuahmi a um.

Ramdang phanmi Zomi hna nih phaisa i kholh i hriam i cawk i ralkap ser ding ti hna le cu bantuk ralkap tuan duhmi mino 300 hrawng an um i ralkap 300 hrawng caah hriamnam zong kan ngei ti zong in zonet ah cun an tial mi pawl he pehtlai in zonet chungtel pakhat nih Global Chin sinah theihter nak a tuah.

Mah tihin Tedim peng lei i chawlet atuahtu hna nih an duh lonak aruang bik tiah ruah mi cu, India ramri an pal tik paoh ah CNA ralkap hna nih thawhbur an thawhtermi hna le, awhrang le tlerhkhawnnak he an chawnh biakmi hna hi a si bik tiah theih a si.

Cu tiin mi duhlo cheukhat an um len tiah theih a si nain, zonet ah catialtu tam deuh cu ramdang a phan mi Tedim mino deuh an si ti zong in theih a si.

Ramchung ah miphun le ram caah ramkhel rian a tuan cuahmah mi Tedim peng i Chin National Party i upa hna nih cun CNF pehtlaihnak zung ngeih ding in hnatlaknak an ngeihnak kong an langhter. CNP hotu Pu Zozam hruainak in January thla 30, 2012 ni ah CNP township meeting nih biachahnak an tuah i, cu tin biachahnak an tuahnak ah cun CNP party chungtel hna le upa dihlak nih tedim peng chung ah CNF pehtlaihnak zung chaih ding cu hnatlak pi dih a si.

Tedim pengkulh i CNP upa asimi Pu Kam Za Dal nih khonumthung thawngzamh sin ah a chimnak ah cun, "mah hi kong hi a hnatla lomi micheu cu an um len nain, kan mah nih cun "Chin' mi phun veve i entai kan duh lo..." tiah a chim.

CNF pehtlaihnak zung hna cu Thantlang peng le Matupi peng ah chiah ding tiah tinhtuahmi hna cu Thantlang le Matupi peng i a ummi hna nih cun lunglawm te in le tluang tein hnatlakpi a si cang tiah thawngpang theih a si.

Falam peng belte ahcun CNF pehtlaihnak zung chaih ding kongkau a um lem lo.

Khuafo Family Community Thawhkeh ning

Ram dang I a um mi khua mi nih kan khua kan ram a tthancho khawhnak ding caah tiin saduhthahnak nganpi kan ngei I hmunkaa kip I a um mi khua mi kan dih lak in kan ruahnak kan chuah cio hna tik ah kan khua kan ram caah tthanchonak bik a si lai tiin min pakhat bunh in khua tthanchonak bu kan van dirh.A min ah KFC (khuafo Family Community) tiah kan bunh .A sullam cu khuafo Chungkhar lungrual tein rianttuan ttinak bu tiah a si lai.Khua thanchonak ah a bia pi bik mi cu:Khrihfa bu i rem le khua mi pakhat le pakhat I dawt cun kan khua hi hawi khua sin ah mithmai a ngeih khawhnak ding caah le duh a nung khawhnak ding caah khua mi kan dih lak rian a si ti thei le mah le ti khawh tawk cio in khua tthanchonak caah kan tuah ding mi liangrual te khin buin thazaang chuah cio hi a bia pi bik tiinkan ruah caah saduhthahnak nganpi he hi bu hi kan rak dirh mi a si.Ma bu hi a dir peng khawhnak ding caah le a thacho khawhnak ding cacah cun khua mi kan dih lak cung ah ai hngat mi a si i a ho hmanh daithlang lotein lungtho tein hmai lei ah kar hlang ti hna usih tiah kan in sawm hna.
Tinhmi(Goal)........Khua tthanchoter ding
Thawk ni..Sepember.19.2010
Khua mail....khuafo_family@yahoogroups.com ah hin kan khua mi a si mi poah a lut rih lo mi cu luh nan duh ah cun nan Email rak kan pe u law kan in luh hna lai.Cun ca zong khua mi a si mi poah nih nan ruahnak le nan hmuh ning kha a si khawh ah cun hi mail ah hin rak tial u law,thawngchia siseh thawngtha siseh thanh khawh peng rak kan zuam hram uh tiin kan in nawl hna.Khua mi dih lak thawng I theih khawh pengnak ding caah le ruahnak I cheuhnak ding caah tiin hi mail kan tuah mi a si.
Ram Dang i a um mi (K F C )Hruaitu hna
1.Chiarman - Pu Aaron Tawk Al
2.Vice chiarman - Pu Van Ceu
3.Secretary - Pu Thla Hre
4.Joint Secretary - Val Sai Cung
5.Treasurer - Pu Chan Hmun Thawng
6.Assistant treasurer - Pu Ni Chum

hna hi kan upa an si.Kan i timh mi cung ah Pathian nih thlachuah kan pe sehlaw lam kan hruai ko seh.
LaiTlang i a um mi (KFC) Hruaitu upa hna
1.Chairman - Pu Ngun Ceu
2.Vice Chairman - Pu Sui Mi Tial
3.Treasurer - Pu Khuah Bil
4.Assistant Treasurer Nu Hla Sui
5.Secretary Pastor Phir Tling
6.Assistant - Pastor Za Mawng
7. Auditor - Pu No Iap
- Pu Than Hmung
Advicer (ruahnak pe tu) upa hna
Pu Kap Er, Pu Rung Uk, Pu Tial Dun, Pastor Sang Hu, Pu Ni Peng
Members upa hna
Pu Dar Hnok, Pu Ngun Thleng, Pu Van Ham, Pu Iap Zel, Pu Biak Ceu, Pu Zai Cung, hna hi ruahnak pe tu upa hna an si.Pathian tu nih an riantuannak ah um pi hna seh law lam hruai chin ko hna seh.Khua thanchonak ah a lam kip in nan i zuamnak cung cio ah lunglawmhnak tampi kan ngei.

KHUAFO FAMILY COMMUNITY Phunglam

KFC MU LE PHUNGPHAI

1. KFC (khuafo family community) hruaitu hi kumhnih ah voikhat in

thimding (or) thlending (or) rinhṭhhan ding/ tharchuah (renew)

2. KFC phaisa mi zei hmanh cawih lo ding.

3. Mi thi topinak ah ks.20000.00

4. Phaisa kengtu nih thlathum ah voikhat Phaisa cazin a lut chuak

mipi sin ah thawng thanhding.(khua mail ah tial ding)

5. College kaimi paoh ks.20000.00 in bawmhding. Bible lei &

University (An kai kum lawng bawmhding).

6. Tanghra a awng mi paoh lawmhnak laksawng ks.20000.00 pek

ding.

7. KFC (khuafo family community) zoh khenhnak (Benefit) hi kal tak

mi khua um mi ca lawng ah asi lai.

8. Zu ding ruang ah aa hliam mi bawmh lo ding.

9. Harsa tuk mi le zawtfak tuk mi an um ah cun an kong KFC upa

hna nih ceihpiak ding le upa hruaitu hnatlaknak neih ta ding.

10. KFC rian tuannak he peh tlaiin Khua KFC hruaitu ni hlawh a

thlah mi an um asiahcun Upa nih ceih piak ding.

11. KFC hruaitu upa ah zu ding mi thim lo ding (khua lei caah)

12. KFC min put in mah pumpak ṭhaṭhnemnak tuah lo ding.

13. KFC nih khua thanchonak tinhmi (Goal) neih ding.

14. KFC phaisa kengtu lawnglawng nih phaisa a hlam lai i a chuak tik

zong ah a mah kut chung lawng in a chuahter lai.

15. Phaisa kengtu nih ṭha tein hlohnak cazin (received) zong chiah

ding.

16. Phaisa kengtu Audit tuah ding a tling lo mi paoh phaisa kengtu nih liam

ding.

17. KFC (khua) upa meeting tuah hnu lawng ah le biachah hnu lawngah

Ram dang um mi KFC upa sin ah phaisa cah ding.

18. Khua lei KFC meeting tuah mi le biachah mi ramdang um KFC upa sin

ah thawng thanh peng ding , lung tlinnak neihta hnu ah bialeh ding

lungtlin loah cun hrawh (cancel) ding,

19. Ram dang um KFC upa nih khua lei KFC upa bia chah mi ni 15

ah chah piak ding (Processing period)

20. Mi tam deuh lung tlinnak in biachah ding le tuah ding.

21. KFC mu a zullo mi cu rian in chuah colh asi lai, Ram dang um

KFC upa le Khua mi nih phuahnak nawl a neih lai .

22. Phaisa checktu (Auditor)2 or 3 in thim ding.

23. KFC mu hi Ram dang um KFC upa nih chap khawh le hrawh

khawh asi lai.

Acung I ṭial mi phumlam hna hi athar in tuahṭhanmi a si caah mah ning in hin 2012 cu kan I hruai cang lai.

Nawn le Thah Cuahmah Kan si Cang By Zasang Cinzah

Bible cang thim: "Nanmah (Khrifa) thah hi Pathian rian tuan a si tiah mi nih an ruah caan a phan lai." John 16: 2

Zumtu aa timi hna, Khrifa a timi hna, nihin kan caan hi thate in ruat tuah usih! Prophets Isaiah, Ezikiel le Daniel tibantuk le a dang dang hna nih an rak chim chungmi Pathian bia vialte cu an tling dih ngawt cang. Jesuh nih vancung a kai lai te ah a zultu hna sinah a chimmi zong a tu hi kan chan ah a cang cuahmah cang. Jesuh nih a zultu hna sinah zeitindah a rak chim? "Khrifami hna thah le nawn hi Pathian riantuan a si tiah mi nih an ruah caan a phan lai"tiah a rak chim. Nihin ah Khrifa thah hi Pathian ruan tuan ah a ruatmi an um cang. Muslim pawl nih Khrifa le Judah mphun thah cu Pathian riantuan pakhat a si i vancung ah laksawng tampi hmuhnak le, vergin nungak 7 co khawhnak a si tiah an ruah. Asi ahcun, Jesuh bia cu a tling cuahmah ko lo maw? Jesuh nih a rak chimmi hi atu kanmah sinah a cang cuahmahmi hi a si ko lo maw? Khrifa tho tuah, i hngilh ti hlah sih! I thangh cang tuah usih!

Bible hi cang khat hnu cang khat, tlap khat hnu tlap khat in kan rel than lengmang in, a sullam pawl hi thate in kan ruat ahcun, Muslim biaknak hi Satan biaknak a si lo maw? Sahrang kan ti lengmangmi hi Muslim biaknak hi an si ko lo maw? 666 number a zuartu le hmailei ah khrifa a hremtu ding, Rapture hnu ah Khrifabu a hremtu ding hi Muslim an si ko lo maw? timi hi a fiang chin lengmang.

Cucu, zeitindah proof kan tuah lai? Tuanbia hi zoh than hnik usih! Muslim biaknak a sertu "Muhammad" Quran a tialtu hi Jesuh a chuah hnu AD 570 ah a chuak. Mecca khua, Muslim nih Holy city an timi, Saudi Arabia ram ah hin a rak chuak. Muhammad chuahkehnak hi Abraham fapa, Ismael hrintlang a si tiah an ti. Muhammad cu a chuah hlan ah a pa nih a thih tak. Cun, a putar sinah a um. Kum hnih a si ah a nu nih a thih tak rih. Cun, kum 8 a si ah a putar nih a thih rih fawn. Cu hnu ah a pu sinah a thang liammi a si. Kum 25 a si ah kum 40 a si cangmi Khadija nih a thit. Tuanbia ah a tialning ahcun, Muhammad nupi, Khadija cousin hi Khrifa a rak si.

Tuanbia ah a tialning in, Khrifa tampi an karh hnu, AD 610 ah Muhammad nih langhnak a hmuh. Mount Hira timi tlang ahhin, vancungmi Gabriel he an i tong. Gabriel nih cun mithlam (vision) in a sinah bia a chim. Mah a chimhmi cu ca in a tial i, "Quran" tiah an Muslim nih sungsak ngaimi cauk a si.

Khrifa Bible ah Mary sinah a rak lang i, Jesuh a chuahnak ding kong a chimtu cu "Gabriel" a si tiah kan hmuh. Tipil Petu John a chuahnak ding kong a chimtu zong Gabriel thiam a si tiah kan hmuh fawn. A si ahcun, Muslim biaknak a dirhtu Muhammad sinah a rak langmi Gabriel le Mary sinah a rak langmiGabriel hi an i khat kho hnga maw? Ruah awk a herh ngai ngaimi a si.

Bible tuanbia ning in kan zoh ahcun, Muhammad cu Abraham fapa, Ismael hringtlak a si. Ismael cu Abraham sal nu, Ezipt ram in an rak hruaimi, Hagar fapa a si. Abraham cu Pathian nih tefa tampi kan pek i lai i miphun vialte Pa na si lai. Na tefa cu van ah arfi zat le vulei ah thetse zat an si lai tiah bia a kamh ko nain, zei ruang ahdah Hagar hi a ihpi? Abraham nih Hagar a ihpi nak "point" te hi theology ah a biapi taktak mi "point" a si. Muslim, Judaism, le Khrifa kan i dannak hliah a umnak point te cu a si.

Abraham nih Hagar ihpi ding in a fialtu cu a nupi Sarai a si. Sarai thinlung chung ah Hagar fa puaiter ding in rian a tuantu hi Pathian thlarau a si kho hnga maw? Ruat hnik usih! Thingthei ei ding in Eve ruahnak a petu cu Satan a si bantuk in, Hagar nau puaiter ding in Sarai ruahnak a petu hi Satan a si ngaimi a si. Pathian nih cun Abraham sinah tefa ngeih ding in bia a kamh cang. Abraham le Sarai nih cun Pathian bia a tlin dingmi lawng kha an hngah awk a si ko. Nain Sarai nih a hngak kho ti lo. Amah tein tefa ngeihnak khua a khang. Sarai khuakhannak cu Pathian timhmi a si lo zia cu a fapa Isac nih a langhter. A sullm cu Issac chuak hlah sehlaw, Sarai khuakhanmi kha a dik hnga. Nain Issac a rak chuahmi nih Sarai a palhnak kha a langhter. Cucaah, Theological views in kan zoh ahcun, Sarai thinlung ah Hagar naupawi ter ding in ruahnak petu cu Satan a si.

Satan (Lucifar) nih Pathian cu vancung ah a doh. Eden dum zong ah a doh rih. Abraham te chung khar zong ah a doh rih fawn i buainak a chuahter. Satan cu Pathian nih khua a khangmi le aa timhmi vialte hrawh dih ding in a zuam pengmi a si.

Cucaah, ruah hnik u! Zumtu hna, Muslim biaknak a dirhtu Muhammad nupi, a cousin hi Khrifa a si tiah tuanbia ah kan hmuh. Cucaah, Muhammad a chuah hrawng ah hin Khrifa an rak karh ngai ngai cang ti a lang. Jesuh khri cu BC 4 ah a chuak in tuak usihlaw, a thih hi AD 30 hrawng sisehlaw, Jesuh a thih in Zultu hna nih biatak tein thawngtha an chim. Cun, Jesuh nih Paul cu thawngtha karhter ding in a auh. Cucaah, AD 570 ahcun Khrifa tampi an karh cang lai tinak a si.

Khrifa tampi an karh hnu ah Gabriel nih Muhammad a auh i Muslim biaknak a sermi cu Pathian program a si hrim hrim lo. Mah hi Satan program a si. Vuleicung ah Khrifa an von karh vi ma tikahSatan a thin a phang. Cucaah, "Gabreil" timi min hmang riangmang in Muhamaad cu a auh i Khrifa ram vialte chuh awk ah le, Khrifa biaknak doh, Khrifami thah awk rian tuan ding in Satan nih chiti a thuhmi a si. Cucaah, Muhammad cu a nupi nih a chung khat nih a dikmi prophet a si tiah an zulh colh.

Cun, Muslim biaknak hi Khrifa ram chuh awk ah Satan nih a dirhmi bu a si zia hi, zeitindah kan hngalh khawh rih ti ahcun, Muhammad a zultu kha an karh vima tikah, an umnak Mecca khua nih an rem ti hna lo i Ethopian ram ah an zam. Ethopian uktu cu Khrifa an rak si. Nain cu ka ahcun, Muhammad a zultu pawl nih cun Quran cauk i pathian kong cu a phuang i, biatak tein an chimh i an karhter tikah Ethipian uktu cu Muslim ah a lut tiah tuanbia ah kan hmuh. Cucaah, Muslim biaknak cu a karh i Khrifa ram cu a chuh thluahmah ko. Vuleicung ah Muslim biaknak in khahter ding hi Satan nih a zuam cuahmahmi cu a si.

Cucaah, bible ca kan relmi kha zoh than usihlaw, Jesuh nih Muslim biaknak a um dingmi le Khrifa pawl hrem le harnak pek kan ton dingmi tiang hi a rak theih chung dih cang caah ralrin awk ah mah bible cacang hi a kan pekmi a si. Jeush nih a zultu hna sinah a chimmi bia cu atu kanmah chan ah kan ton cuahmi hi mi a si cang. Satan nih Khrifa a thahmi paoh cu vancung ah ngaknu vergin 7 laksawng kan pek hna lai tiah a hlen hna i an tuanmah mithah, lainawn cu Pathian riantuanah an ruah.

Ulenau hna, Jesuh a chimmi hi zum ko usih! Vulei cung ah a cang cuahmah cang. Satan riantuannak nih a kan det ngai ngai cang. A ceumi culture in a muihnak (darkness) cultural ah Satan nih a kan luhpi te dingmi nicaan cu a nai cuahmah cang. Rapture a um lai i, Rapture hnu ah a um rihmi Khrifa pawl cu hrem kan si ko lai. Cucu, Muslim biaknak hi an si te lai. Zeicatiah, Muslim nih vulei hi uk an i timh. Nuclear power ngeih an i timh. Satan cu a thawng tuk caah, an ngeih khawh caan zong a phan taktak ko lai. Cu tikah, Pathian nih zumtu pawl hrem kan tuar dingmi a duh lo caah, van ah a kan lak zau te lai i, zumh bang, zumh lo pang tiah lakawh in a ummi zumtu 9 Khrifa) pawl kha tantak kan si te lai i, cu pawl ( Khrifa) cu hrem kan si te lai. Prophecy bia a hngalmi nih cun WW 3 a thawk cang an ti.

Jesuh kan zumhnak ah i biatak cang hna usih! Pathian sinah thlacam usihlaw, a caan kan ngeihmi minute in suimilam caan te hi a hmang zia thiam hna usih! Amen.....

US sipuazi damh khawh lo tiang in a rawkral cang maw?

Zeicaahdah thawngthanhca kip nih kum khat an GDP (gross domestic products) i 96% a simi US$14.35trillion leiba a ngeimi US cu vawleicung ram rumbik tiah an ṭial peng rih hnga? A hman, an GDP zoh tikah vawleicung sipuazi nganbik ram a si rih ko ti cu al awk a um lo, asinain leiba ngeibik ram cu a rumbik ram a si kho ngai tak hnga maw? US cozah nih thanh loin a thuhmi leiba tampi a um rih tiah sipuazi tama pawl nih an ruah fawn. A rumbik ram a si le si lo zoh hlan ah a leiba nih damh khawh lo tiang in a hrawk/kuaimaan tuk cang maw ti vun cuanh hmasa hna u sih.

Zei bantuk dirhmun ah dah a dir tak timi kan hmuh khawhnak ding ahcun US dirhmun langhtertu-cazin (balance sheet) kan herh. Ngeihmi dihlak chung ah leiba kan zuh tikah ngeih taktakmi (net value) kan ngah. [Fiang deuh langhter khawhnak ding bawmtu ah simple accounting equation (Owner's equity/net value =Asset-Liability) ka vun hman]. Ngeihmi nakin leiba a tam deuh ahcun a rawk/kuaimaan cang ti a hei si hnga i ngeihmi nakin leiba a tlawm deuh ahcun a dirhmun a chia thlu lo ti nak a si hnga. US cozah nih tlamtlingte in mipi theih ding ah an tuahmi "balance sheet" a um lo caah cozah websites tlawmpal le sipuazi kong atheimi mifim cheukhat zawnhdawmhmi kanan (numbers) kaichirhchan

lai. Cucaah kanan
hmanmi pawl hi a

dikbakmi (precise) an si lai lo nain tinhmi US dirhmun langhternak caah cun hman an tlak.

US ngeihmi chawva (assets) cu a fawinak in mithmuh kuttawngh khawhmi thilri (tangible assets) le hmuhte dingmi chawva

(financial assets) tiin phun hnih ah kan ṭhen khawh. Federal Reserve website, flow of funds accounts timi tlangpi tang ah 2010 dih tiang ah kan hmuh khawhmi US cozah ngeihmi thilri____vawlei, inn le lo, a miak hmuhlo ding rianṭuannak bu nih ngeihmi thilri (Land, US household and non-profit entities) tbtk____zawndawmhmi man cu US$44.1trillion a si. Kha a man tahmi thilri hna rianṭuannak (farms' bussiness) le phaisa cawlcanghning (financial sector) man cu Fed nih an tah chih lo caah an langhtermi hi a tlawmbik lei a si tinak a si.

US economy cu open economy (ramdang he thil aa caw/thlengmi) a si caah amah nih midang a batmi a um bantuk in ramdang nih an batmi (country's foreign claims) zong a um ve. Midang a batmi leiba in mi nih an batmi kan zuh tikah a chuakmi cu country's foreign net claims/international investment position

(IPP) an ti. 2010 dih, US Bureau of Economic Analysis Websites ah US IIP cu a sunglei (negative) a si. Midang nih an batmi nakin amah nih midang a batmi US$2.5 trillion hrawng in a tam deuh. Cucaah kan balance sheet ah US cozah net value cu US $41.6trillion (44.1trillion- 2.5trillion) a si. Kan hmuh khawhmi cu an leiba nih US sipuazi a hrawkthlu naisai rih lo ti a si.

Minung rumnak (Human Wealh)

Ram pakhat rumnak (national wealth) tah tikah a chung ummi minung rumnak (human wealth) philh thlu awk a ṭha hrim lo. Tah a har hringhran i a dik bakmi cazin hmuh khawh a si lo. Cucaah tahtu bukip le mifim kip nih an chuahpimi cazin an idang dih. Sihmanhsehlaw hi cazin a fiang kho lomi nih pumpak fimnak, thiamnak le rumnak cu ram pakhat rumnak inntungpi taktak ti cu a al kho hlei lo. Tahchunhnak ah Bill Gates, Werren Buffet le Steve Jobs ti bantuk khi ramdangmi si hna seh law US sipuazi dirhmun zeimawzat cu a der deuh hrimhrim lai. Jorgensen le Fraumeni nih an ṭialmi ‘The Measurement of Saving, Investment and Wealth” ah US rampi rumnak ah 94% cu minung pumpak ngeihmi a si tiah an zawndawmh (estimate). Cucaah US economy cu 44.1 trillion si loin 732 trillion renglo a si lai tinakasi.USarumtukrih!Cutiasiah arumbik ram a si ti ne maw?

Vawleicung ram rumbik a si ti maw?

Zei ram dah vawleicung ram rumbik a si timi cu a tlangpi in tahtu bu nih an hmanmi tahnak fung cung ah aa hngat. GDP (gross domestic products) tahfung hman ahcun US cu US$15 trillion renglo in a rumbik a si. A luancia kum tlawmpal an ṭhancho ning a fum deuh tuk cang nain pahnihnak a simi Tuluk nakin a let hnih le cheu hrawng in a ngan deuh rih. Ram nih thil cawk khawhnak thazaang [purchasing power parity (PPP)] tahfung hman zong ah Tuluk nih a phan deng naisai rih lo. Asinain, 2010 dih, World Bank nih pumpak buakthlak ngeihmi (income per capita) le buakthlak in minung pakhat thil cawk khawhnak thazaang (purchasing power per person) tahfung hmang in an tuahmi cazin ahcun US cu Lumxembourg, Norway, Switzerland, Hong Kong le Singapore hna hnu ah paruknak a si.

Biadonghnak

A cunglei langhtermi cazin nih US cu a leiba ngan tuk ko hmanhsehlaw vawleicung ram rumbik pakhat a si hrimhrim ti a kan hmuhsak. A tlu ding le a rawk ding ah a ngan tuk, harsatnak a tonmi a fak tuk lem lo i midang nih an chawhkanh kho ti lai lo tinak a si maw? Si naisai hlah! Zei zong vialte aa thleng kho dih. Asinain, vawlei pumpi huap in caan har ton fate___vawlei ralpi pakhatnak le pahnihnak tbt___hawidang nakin aa hrim kho deuh i tuan deuhnak ṭha in aa sersiam zungzaltu US mipi kan zohchuk awk (under estimate) hna ahcun kan palh sual lai. 2008 Financial Crisis cu (abik in US caah) a fak hringhran i atu tiang harsatnak a chuahpimi kan luat kho rih lo nain vawlei ralpi pakhat le pahnih nak cun a din deuh tuk rih. Tei a mami caah cun US cu “land of opportunity” a si ko rih caah kannih ramthumnak lenh aa timmi nih kan hrial khawh lo hlei ah hrial timh ding a si lem lo. "Lamdang an ngeih ti lo a si ahcun Americans nih cun a hmanmi lam an thim zungzal lai" tiah Sir Winston Churchill nih a rak chimmi bia zong US a upat tukmi kan hnathlam ah a leng zungzal rih. By: Salai Biak Hnin Sang (faiceu chung in lak mi)

Kutpi namnak kongah UNHCR ca `ial mi

UNHCR thawngthanhnak ahcun UNHCR

card a tlaih mi vialte hna nih 6P programme

ah register a tuah mi vialte hi an

ram kir ter `hannak ding caah a si lo. Malaysia

cozah nih a tu bantuk in 6P tuah ding

ah register kan tuah ter mi hna cu an ram

ah kir ter ding caah kan tuah piak mi hna a

si lo. Malaysia cozah nih hin UNHCR ah

humhimnak bantuk tein an um rih ko lai

tiah an ti. Malaysia cozah nih cun refugees

pawl cu 6P programme register tuah dingah

August 23, 2011 ni thawk in Putrajaya ah

tuah hram an thawk. Atu bantuk in 6P register

an tuah lio ah immigrant hna nih catlap

(document) an pek mi hna chungah an

`ial mi ca cu UNHCR nih refugees pawl an

catlap (document) an `ial piak mi hna he a

khat ko tiah UNHCR zung riantuantu hna

nih an chim. Cu catlap (document) chung

ahcun “Return to my home country” (Ka

chuahnak ka ram ah ka kir lai) tiin immigrant

nih an `ial piak hna. Hi ti bantuk in ca

an `ial mi cu refugees hna caah a si lo. A

sinain atu bantuk ca an `ial ruangah mi

tampi cu an lung a buai. Cu ruangah

UNHCR nih Malaysia cozah cu nizan ah

an ton `han hna i, refugees an si le si lo

hngalh fiannak ca zong ah a si ko. Cu caah

Malaysia Cozah nih refugees pawl 6P register

a tuah hna ruang ah an ram ah kir ter

dih ding a si lo tiah UNHCR leiin thong an

thanh. Cu caah a tu bantuk in Malaysia

cozah nih refugees pawl 6P register a tuah

hna ruang ah zeihmanh lung buai ding a

um lo i, refugees an si tak le si tak lo theih

hngalh fiannak ca zong ah a si i, Malaysia

ram chung an um chung ca zong ah an

humhimnak ding caah a biapi ngai mi a si

tiah Malaysia cozah nih UNHCR he tonnak

an ngei lio an chim.

Regards

Yante Ismail

External Relations Officer

United Nations High Commissioner for

Refugees

Kuala Lumpur

Malaysia Cozah Nih Cauk Ngeilomi Ramdangmi Register an Tuah Thawk

Chin miphun ralzam he zam lo he thawng 40 leng an um lai tiah zumh a simi Malaysia ram ah, Chin miphun bantuk in umnak nawl ngeilo in a ummi ramdang mi sang 2 (2 millions) an um lai tiah zumh a si. Malaysia cozah nih an rak thanh cia bantuk in ramdang mi hna Malaysia ram ah riantuannak nawl an ngeih khawhnak ding caah 'cauk' serpiaknak cu August thla nikhat in an thawk cang.

Malaysia ram ah hin million 2 tluk a tammi ramdangmi ummi hna nih Malaysia ram chung ah rian an tuani, Malaysia phaisa cu cozah sinah ngunkhawi pek loin, an um. Mah hi million 2 tluk simi ram dang mi hna nih riantuan khawhnak 'cauk' an i ngeih dih khawh hin, an hlawh hmuhmi chung in cozah sin ah ngunkhawi an pek lengmang lai caah, Malaysia ram caah thazang thar pakhat ai chuah dingkhi a si.

Malaysia cozah nih ramdang mi milu zeizat dah 'cauk' an chuah piak lai tihi an thanh rih lo. Zei bantuk miphun deuh dah an chuah piak lai ti zong an thim hleimi um dawh in an chim lo.

Malaysia ram immigration nawlbia bung 6nak ningin cun Malaysia ram chung ah luhnak nawl 'visa' ngeih lo in, a lut mi hna le umnak nawl hmuhnak nithla luan in, a tang thaimi hna cu a phunphun in dantatnak pek ding ah ai tel. Cu ti dantatnak hna ahcun fungfek tuknak, thongthlaknak, phaisa cawiternak le umnak ram ah kirter thannak tibantuk hna ai tel. Mah hi nawlbia ning hin ramdang mi tampi cu an tlaih hna i, khemh ah an chiah hna, mi cheu thong an thlaknak i, biaceih piak hnu ah Thailand ram ah an hlawnh 'buang' lengmang tawn hna. Tukum ah ramdang mi mah tihin ngaihthiamnak an pek hi, Malaysia ram ah riantuantu thazang um deuh ding caah ruahchanhnak an ngeihmi a si tiah ruah a si.

Mah tihin cauk chuahpiaknak tuah hram an thawknak ah hin, ramdang in passport he a rak lut i passport le visa dih cangmi hna kha 'cauk' chuahpiak ding ah rian an tuan thawkmi a si. Passport deumi zong an langhter khawhmi paoh an langhter ah cun, mah ti cun mincazin an khumh piak ko hna tiah theih a si. Permit cauk belte cu chuahpiak taktak si rih lo.

An kut neh, an nam ter hna i, an min, an chuah kum, an nu le pa min le dangdang cun, an hmanthlak an lak hna ti a si. Mah tihin an min cazin khumh si

Mah tihin 'cauk' chuahpiaknak cu Malaysia immigration zung lawng nih an tuah i, aleng lei ah puaisa nih tuahmi pakhat hmanh a um lo. Puaisa cheukhat nih phaisa kawlnak ah midang hlennak ding caah ahmang mi hna an um sual lai tiah, Malaysia cozah zong nih Puaisa he tuah lo dingin thawng an thanh.

Thailand cozah nih hin, mah bantuk hin, an ram chung ah ummi ram dang mi hna cu riantuannak permit cauk an chuah piak lengmang hna. Thailand le kawlram ramri he ai naihmi Mesok khua ah cun mah tihin riantuannak permit hmuh khawh ding caah Kawl puaisa nih Baht tangka 4000 hrawng an hauh i, an tuah piak hna ti asi.

Chin miphun hna tampi cu ralzam kan si tiah UNHCR zung panhmi hna tiah theih a si i, UN zung nih ralzam sawknak an tuahmi a cohlan piak khawh lomi 'reject' a tuah rawh cangmi hna caah cun, mah tiin Malaysia cozah nih thilthar a tuah lio ah hin 'permit cauk' hmuh khawh ding i zuam awk asi ko tiah ruah a si. Cun, ralzam sinak in ram dang ah pem duhlomi hna, Malaysia lawng ah hlawhfah duhmi hna caah cun thiltha pakhat a si.

Theih aherhmi pakhat cu, Malaysia ah umnak nawl angeimi pakhat kha ramdang ah ralzam sinak in 'resettlement' tuah phung a si ti lo.Mah caah cun, Malaysia ah umnak nawl ngeih bu in, ramdang kal ka hngak lai tiah i ruahchan ah cun, palh a si lai.Written by Suihleng

KIA Nih A Kan Kah Hmasa Caah Kan Kah Than Ve Hna Tiah Kawl Ralkap Nih An Ti

June ni 18 ni chuahmi Kawlram cozah Thawngzamh cazual The Miror nih KIA he ral an i tuknak kongkau he pehtlai in thawngpang an thanh ve. Kawl ralkap lei nih an tialning ah cun KIA nih a kan kah hmasa caah, kan kah ve hna tiah an tial. Kawl ralkap nih cun daihnak an duh tiin an tialmi hmuh khawh a si. Electric zung riantuannak hna kilven duhnak ruang ah, hrial awk thalo in kan kah hna tiah Kawl cozah nih an thanh ve.

Kachin Independence Army (KIA) lei in rian ngeitu General Kun Maw nih cun mah "Kawl ram cozah he electric sehzung hna zohkhenh kilven ding caah bia kan rak i ruah tti ko nain, KIA ralkap len tuah lo di ti bantuk, umnak thial ding tibantuk order a kan chuah hnawh, cun ngeinchianyi an ti ttung i, a kan kah ttung, i cu tin bia an chim than mi cu, ka lung fiang lo" tiah BBC sin ah a chim.

Kawl cozah Tadinca ah an tial nak ah cun, "KIA lei nih May ni 5 ni ah electric sehzung aser cuahmah mi Tuluk rammi hna kha umnak hmun an thial ter hna. Cun, June ni 8 ni ah Tapei Hydropower tuahnak hmun lei ah akal cuahmah mi Kawl ralkap bu cu KIA nih an kah hmasa hna ...." tiin an tial. Kawl ralkap lei nih hrial awk tha lo caah an kah ve hna tiah an tial.

Asinain, Kachin Thawng Zamh Kachin News nih an tialnak ah cun, May ni 18 ni ah KIA ralkap Battalion 25nk umnak Bamaw Township ah Kawl ralkap nih Motor bomb in an rak kah hmasa, tiah an tial. "May 18, 2011 – At about 5 a.m. local time, the Burmese Army fired three 75 mm mortar rounds at the KIA’s Battalion 25 Headquarters, in Manmaw (Bhamo) district, in Kachin State. The mortars were fired from the camp of the Myothit-based, Light Infantry Battalion (LIB) No. 320, in N'Mawk (Momauk) Township, at Battalion 25, based in Dum Bung Krung, in the Township" tihin an tial.

Kachin News Group nih thawngpang an rak tialmi zong ah May ni 27, 2011 zing lei 9:20am ah Kawl ralkap le Kachin ralkap hna an i kaap hmasa bik tiah an tial. Kachin le nih thawng an thanh mi ningin cun Kawl cozah nih thawngpang an tialmi ah KIA nih a kan kah hmasa an timi hi a dik lo. KIA lei nih June ni 8 ni ikahnak thawngpang an chimmi um lo. Asinain, June ni 9 ni ah an i kahnak kong an tialnak zong ah. Kawl ralkap lei nih KIA cu an kah hmasa hna tiah tha tein record an rak tuahmi Kachin News nih June ni 9 ni ah an rak tial.

May ni 27 ni thawk in nihin tiang ah hmun tampi ah nikhat hmanh dan lo in KIA cu Kawl ralkap nih an kah cuahmah rih ko hna. Asinain, Cozah chuahmi Tadinca nih cun, ngeinchianzi caah kutka kan on peng ko tiah an tial.

Tuzing, zong ah KIA le Kawl ralkap KhaLahYah 141 hna an i kap i, Kawl ralkap lei in athi mi le hmapu mi an tam ngai ti zongin BBC nih thawng a thanh chih.

Mahhi Vawlei Cung Airport Thabik A Si

Singapore Changi Airport cu Vawlei cung airport thabik ah an von thimtthan. A phnihnak ah Incheon airport i Seoul nih a hun zulh ve. Asia bak a cung ah an cuang.

Hi airport pawl thimnak cu Airports Council International nih offcial tein hlathlainak an tuah hnu ah an thim i zapi theih in an thanhmi a si. Airport 146 cu khualtlawn tawnmi hna nih an chim ning cio in zoh an si, tiah Times Lodon nih a ttial.

Asia ram airport-pawl kha top list ah an itelbik.
Cun tutan lawng hi Singapore Changi Airport nih pakhatnak a hmuh a si lo, ni kum zong ah Periority Pass timi nih a rak thim bal cang.

European airport pawl cu a tanglei bikah an um hoi.

London Heathrow hoi hna cu 99.nk lawng a si. Hlathlainak an tuahmi a phichuak ah, security an iralrin tuk ruangah sautuk lengmang i tlar le hngah a hauh caah a si, an ti. London Heathrow khawh in Dublin khi 98.nk ah a um.

Schiphol i Amsterdam khi 93.nak. Frankfurts Airport cu 126.nk bak ah a tla. Paris hoi hna cu 137.nk a va si.

Von zoh ulaw, top 10 ka hun tar hna. Nan phak balnak Airport zong an um len ko lai.

1. Singapore Changi Airport

2. Incheon Airport Seoul

3. Hong Kong International Airport

4. Al Ain International Airport, De Forente Arabiske Emirater

5. Beijing Capital International Airport

6. Shanghai Pudong International Airport

7. Gimpo International Airport, Seoul

8. Jackson-Evers International Airport, Mississippi

9. Humberside Airport, Storbritannia

10. Kuala Lumpur International Airport, Malaysia

Written by Sibmlian

vulei cung a rum mi 10 hna

Nai chung hrawng cu kai manh lo ngai i ca zong ka tial kho ti lo (hal lo chim tiah Pathian nih nau thar fapa te a kan pek i i a tu ah ca ka rak thlah mi hi kan umnak i kan Mino Secretary nih nia tial mi asi i Knowledge ngai asi rua tiah ka ruah caah ka rak thlah chin,
Vulei cung ah a rum cem mi pawl 2011, march 9 nih ah voi lei cung min thang bik pa khat a si mi Forbes Magazine nih voi lei cung mi rum cem (10) ti ah an tim mi hna cu :

(1)Carlos Slim(Mexico) (US$70 billion)

a nih hi Telecommunication inn a tuah bik mi a si. A dang business pawl hna zong tam ngai a ngei i Latin America pawl caah ngandamanak lei,education lei,sports lei
ti ban tuk,misak pawl bawmhnak ti ban tuk ah tam pi a tel nain a ngei mi pawl cung inn tam pi hlut ding ti hi cu ..a chim bal rih lo." Mipi bawmh ti mi hi organization pa khat caah
thang ka tam pi hlut lak in mi pi pawl rian a tuan koh nak ding caah business tam pi tuah i mipi rian pek khok hi mi pi bawlh tak tak cu a si " ti ah a ti peng.

(2)Bill Gate(USA)(56 billion)(Microsoft)

theih cia mi si ban tuk inn hardvard university dih tiang kai lo in a chuak i voilei cung a mi thang cem mi computer software company Microsoft a rak dirh tu pa khat a si.
mah cu cu 1975 ah a si i mah ka lio i a vision cu " Inn kip ah computer desk top pa khat cio a ngei dih lai" ti mi a rak si i 1985 ah Microsoft cu public company ah a nih thlen i
a than cho tuk i kum 31 a si ah billionaire a chuah. 2008 ah Microsoft in a chuak i Bill and Malinda Gates Foundation ti mi a dirh.Mah organization caah US$28 billion a hlut cang.
mah organization hi voi lei cung AIDS ti ban tuk ngan damnak lei , education lei ,mi si fak pawl a bawmh mi a si.

(3)Warren Buffett(USA)(50 Billion)(Berkshire Hathaway)

a nih i a business hi railroad lei in a thawk i ice cream tian a tuah mi asi an ti.
a tu hi kum (80) a si cang i a mah a ngei mi tang ka vial te lak ah 90 % cu Bill and Malinda Foundation ah ka hlut lai ti bia kam nak
a ngei mi a si. A tu tian 8 billion a hlut cang.

(4) Bernard Arnault (France) - $41 billion, LVMH

a nih kum 62 a si cang i tu lio France President Nicolas Sarkozy i a hoi pa si. kum 25 a rak si lio in a pa i construction company ah a tuan i tu cu
voi lei cung mii rum pawl nih hman mi thil pawl (Luxury goods) pawl chuah tu le zuar tu a si cang.

(5) Larry Ellison (USA) - $39.5 billion, Oracle Corp

A nih hi computer software company pa khat si ve mi Oracle Corp founder le CEO asi.

(6) Lakshmi Mittal (India) - $31.1 billion, steel

A nih hi London a um mi a si i kum 60 a si cang i voilei cung a ngam cem mi steel chuah mi (thir) ArcelorMittal company a ngei tu a si.

(7)Amancio Ortega (Spain) - $31 billion, retail

A nih hi voilei cung a ngan cem mi ang kii ,hnii puan pawl a zuar tu Zara Fashion House a ngei tu a si.

(8). Eike Batista (Brazil) - $30 billion, mining, oil

a nih German thii cheukhat a tel mi a si. Barzil i capital Rio De Janeirio hi khau pi si tel ding a duh ngai mi a si an ti .
ni kum ah American pop a soo daw Madonna he dinner a ei ding i US$7 million check a tial pek i Madonna nih a tuah mi social project pawl caah a hlut a ti.

9. Mukesh Ambani (India) - $27 billion, petrochemicals, oil and gas

A nih hi chemical engineering in degree a lak mi a si i Standford University in MBA a dih hlan ah a chuak i a pa i company a si mi Reliance company ah a lut.

10. Christy Walton & family (USA) - $26.5 billion, Wal-Mart

A nih hi a tu cang mi John Walton a si . A va pa John Walton hi Wal-Mart a rak dirh tu ,founder a si mi Sam Walton i a fa pa a si.

--

NAN CUNGAH PATHIAN DAWTNAK UM KO SEH

Aaron Tawk Al

Gracy Ngun Tha Hniangpa

Biazai

Ttiannak mithli
Ngunsawm kawl in, tthen ai hna maw
tiammi zaa zat, dawtnak bia hna
nang kong hal zawn, capar chungin
khupthi hna cu, lungduh hna ee
Caan tin an lawm, semuang rual he

Dawtmi sian lo, zaanmang chung cun
duh tin kan cuai, len hawi hna he
zaanmang chiat zawn, na kong ruahah
mitthli a zuur, lungdang ngei sual lai ti'n
ka nawl Zingnu, nang ton lai nakah

Hmenhseh!
Thlaung zaa kan dang, semhrisih lo cu
ttian ai ko sih, lungtling tein
a fak an ti, thihttian tthen cu,

Hmnenhseh !! tuar har deuh ai
kei caah a fak, nu nian ttian cu
ka dawn cawk lo, ngaihnak mithli

korea darama zoh aduh caah

Kung Fu Rak Zoh te!

That's good movies

Monday, October 10, 2011

Karen(KNLA) le DKBA kawm in Burma Army LIB 202 an kah hna

No comments:

A chuak zau lai!

Tawk pi nih a nu le pa, Kawi biak lungdonh lio video

khun le muannu lam lio

Khua tthanchonak

Colonel Van Kulh Tuanbia (BGM, BAR)

Pu Van Kulh Bia Rovuih

USA Indiana ah ngeihchiatnak kan tong

UNHCR LE COMMUNITY UPA PAWL TONNAK AN NGEI

CNF Pehtlaihnak Zung Tedim ah Ser Dingin Tedim CNP nih An Hnatlaby Salai Chimbu

Khuafo Family Community Thawhkeh ning

KHUAFO FAMILY COMMUNITY Phunglam

Nawn le Thah Cuahmah Kan si Cang By Zasang Cinzah

US sipuazi damh khawh lo tiang in a rawkral cang maw?

Kutpi namnak kongah UNHCR ca `ial mi

Malaysia Cozah Nih Cauk Ngeilomi Ramdangmi Register an Tuah Thawk

KIA Nih A Kan Kah Hmasa Caah Kan Kah Than Ve Hna Tiah Kawl Ralkap Nih An Ti

Mahhi Vawlei Cung Airport Thabik A Si

vulei cung a rum mi 10 hna

Biazai

Khuami hmanthlak sliceshow

Sui Hoi te inn chung khar slice show

websites le blogs link hna

Labels

Feedjit