khuafo family community

Choosing web hosting is always a challenge, please consider this hostmonster review and greengeeks revieFriday, 13 January 2012 05:22Kawl ram ah thazang a cakcemmi ralhrang Karen Natinal Union cu nizan ah khan Kawl cozah he kah-ngolnak min an thut ve cang. Kum 60 renglo hriamtlaimi KNU zong nih daihnak sernak minsen an thut. Cu tiin min an thut i athaizing simi nihhin ah Kawl ram ah kum sau taktak thong thlak cangmi 8888 sianghngakchia upa hna le Shan miphun hruaitu U Khun Thun Oo zong an thlah mi hna min cazin ah an i tel ve.Nihin ah Kawl ram cozah nih thongtla athar an thlahmi hna a za tein 651 an si. Mah tihin an thlah mi hna ah hin ramkhel kong ah thongtla mi zong tam ial an i tel ve tiah theih a s

Tulio an chuah mi hna ah hin a mak ngaimi cu ralkap bawi thing Khin Nyunt thong inn in an vun thlah than mi a si. A nih hin 2004 kum lio ah ziknawh ei ruang ah tiah ralkap lila nih an rak tlaih i thong an rak thlak. Nihin cu an rak chuah ve cang tiah theih a si. Kawl ram ah S1 tiah rak theih mi, TV le Thawngzamh cazual kip ah a mah mui tel lo in arak tling kho lo mi a rak si. Kawl ram hlatngiatu ralkap bu hruaitu lutlai zong a rak si. A nih hi abawi saling bak ah hngap tiah ruah lo piin an rak tlaih in a inn ah thong an rak thlak. Atu an thlah mi zong cu a inn chung thonginn in an thlah than mi a si tiah theih a si.
U Khun Thun Oo hi Shan National League for Democracy (SNLD) hruaitu a rak si i. Anih hi Upadi phunglam thei bakmi a si (Law) in sianginn arak dihmi a si i, 1993 kum election thimnak lio ah Shan ram ah vo tambik a rak hmuh. Shan ram chung ah hmun 23 ah teinak arak hmuh. February ni 7 ni 2005 kum ah ramkhel kong pumhnak an ngeih lio ah ralkap cozah ho nih an rak tlaih i kum 93 thong an thlak.  Kachin ram Puta Oo thonginn ah thong an thlak i, kum 6 thong an thlak hnu ah nihin an an vun chuah than ve mi cu a si.
Min Ko Naing hi 888 sianghngakchia hruaitu lak ah theih bikmi a si i, a nih hi thong a tla, a chuak than, a tla than tiin a si lengmang i a hnu bik 2007 kum ah meihangman kai ruang ah duhlonak an langhter than caah an tlaih i, tu hi kum 4 deng a tlak than hnu ah an chuah than ve.
Nitlak ram hna, le UNO siseh adang dang ram hna nih thongtla chuah lawng ah kawlram cu business sanction tuahnak in kan onh piak than lai tiah an chim cio. A tu hi thongtla thlah ding ti cu an thlah dih ngawt cang lai caah, nitlak ram hna nih business sanction cu tuah ti lo ding dirhmun ah a phan ding a si cang.
Nihin January ni 13, 2012 nihhi Kawlram tuanbia ah thil pipa ai thlen mi ni nikhat a si. (Global Chin News in lak mi)