Tu Kum khuasik nih minung a nawn cuahmah hna Europe kontinenh thawngzamh kip ah chim a si. BCC/CNN thanh ning ah minung 420 an thi cang.
Khuacaan hi Pathian nih a ser kel in a um lo, an ti. A duh caan ah a kik, a duh caan ah a lum. Nai November, December le January thla hoi hna kha a kih tuk ding sinain a lum ngaingai. Khawimaw ram le hmun ah a kih minus 10 hrawng a si tawnnak ah khan plus 5 te hna a si.
Asinain February a hung chuak ciammaam i a kih tuk ah mi an thih cuahmah ko. Russia lawnglawng ah minung 70 an thi cang. Minus 30 te hna an hung si cang tikah sifak ram deuh a simi Europe ni chuah lei ram pawl cu thilpuan ttha an ngeih lo caah le mei duh tawk in an hman khawh lo caah a thimi an si. Zarh hnih chung ah minung 200 hrawng an thi, tiah CNN lea dangdang thawngzamhca pawl nih an chim.
Mawttaw zong horha khalmi nih a sengh khawh dih hna.
A kih tuk ah hin leng i na zunmi vawlei a phan manh men lai lo tluk khi a si, i Coffee an thletmi te hna hmuh hngan ah an khal kho. Norway chaklei bik khua pakhat cu nizarh ah khan, minus 44,5 a si i a kik taktak khi a si. Tu kum khuasik cu a kik hringhran ko. Written by Si Bawi Mang Lian
No comments:
Post a Comment