Kawlram cozah thar ai thleng cang i, phunghram an ngeihmi ningin kum 18 tling ciami pa paohpaoh ralkap ah duh zong duhlo zongah luh dih dingin Kawlram cozah thar nih timhtuahnak an ngei. Arauhhlanah, Falam khua kiangkap ah hin ralkap training hithawk asi cang lai ti asi ruang ah Chin mino tampi cu ramri ah an zam tiah RFA nih a chim.
Mah kong hi Falam ah a ummi NLD upa Pu Val Lian nih RFA ah a chimmi asi. "Falam ah Pyituhsit timi ralkap training cu arauhhlanah thawk ding asi cang caah, mah cu Pyituhsit training khawhin ralkap ah lutter asi lai tiah an phan caah mi tampi cu India ramri leiah an zam tiah Falam khuabawi nih achim. Cutin ralkap training hna tuahding caah cun khuami hna sinah phaisa zong an khawlh cia cang hna." tiah Pu Val Lian nih RFA ah thawngzamhtu hna sinah a chim. Falam Myohne ah hin ralkap training tuahter dingah, cozah leinih nawl an chuah cang. Cun, cu ralkap trainning caah cun Falam peng khuate lei ah innkhat phaisa thawngkhat cio thawh ding zongin cozah leinih nawl peknak aum ti zongin a chimchap rih.
Chin State chungah aummi adang khua hna zong ah phaisa khawlhnak aum rihlo nain, ralkap training kaiter asi lai tihi an theihcia dih cang.
Kawlram ralkap cozah nih 2010 kum December ni 17 ni ahkhan kum 18 atling cangmi pa paoh paoh ralkap luh dih dingin nawlbia an rak ser i, an rak thanh.
Written by Salai Vanzik(Chinland)
No comments:
Post a Comment