Bia Hramdomh: Tutan ah laimi a kan hnahnawhtu "HNAM" kong ceihnak a um tikah lawmhnak ka ngei. Zeicahtiah, hi kong hi "Theological Response to the manifestations of evil spirits among the chins" tiah research tuah i cauk a si lo hmanh ah article (capar) tal in tial ka timh lengmang mi a si.
Asinain, hi kong hi sensitive issue ngai a si caah research tuah a har ngaimi thil a si fawn. Cucaah, tuah dingah ka con pah fawn. Hmailei ah ka tuah khawhlo hmanh ah ka student pakhat khat tal research tuahter ka timhmi a si.
Pumpak Zumhning:
"HNAM" kong he pehtlai in atanglei bantuk in ka zumhning a tawinak in ka vun langhter ve.
1. "HNAM" riantuannak cu al-awk tha loin kanmah laimi lakah hmuh-awk in an um ko. Cucaah, a umlo tiah kei nih cun ka al duh lemlo. Zeicahtiah, case tampi study tuah cawk loin lai mi lak ah an um.
2. Asinain, "HNAM" cu mi vialte nih kan ngeihmi a si timi cu ka pawmmi a si lo. Mizo nih "Hnam" an timi cu "miphun" tinak caah an hmanmi a si. Culei hoih in kan chim duhnak dah a si tilo ahcun "HNAM" cu kan ngei dih hrimhrim lo.
3. Hlan lio (Khrihfa kan si hlan ah - pre-christian era) ahcun kan pi le kan pu hna nih khuachia (Demons) hna cu an rak biaklawng si loin an mit hrimhrim in an rak hmuh khawh tawn hna. An aw zong an theih bal hna. Atu zongah a nung rihmi tar nu le tarpa cheu hoi nih cun chimhding zeimawzat cu an kan ngeih rih. Asinain, Jesuh thawngtha kan laitlang ah a hung phak tikah (Jesuh cu khuachia le khuavang hna cungah nawlngeitu a si caah) Jesuh kan zumhnak ruangah teitu nakin teitu sinak (Rom. 8:36) cu Khrih kan zumhnak thawngin kan hun tinco tikah laimi zumtu nih khuachia riantuannak hna cu tei a si caah khulfum tete in an lo ziahmah. An um tawnnak cerh, tlang le lungpang hna cu raltha ngai in kan phur hna, kan riamh ngam cang hna. Cucaah, hmundang ah an i thial caah maw, zumtu mithmuh le hna theih ah an i langh ngam tilo caah dek, hmuh le theih a tlawm chin lengmang.
Asinain, khuachia le an bawicem pa Satan cu a zertuk caah a tactic a thlen ve. Fawi tein sungh a duhmi an si lo. Eve le Adam a thlem hna nak le Jesuh a thlemnak kongah (Luke 4:13) a rian caah (Lih chim pa, mi that pa le biatak ngeilo pa a sinak) tei a ma mi pa a si (Hard working person). Cucaah, laimi zumtu kan zumhnak hnahnawh dingah le pakhat le pakhat kan i huat nakding caah "HNAM" hmangin laimi cu a kan buaiter.
4."HNAM" cu zeidah a si ne hnga? Baibal kan rel tikah "Minung cu "HNAM" a ngei dihmi kan si caah a hnam a thawng deuhmi nih midang cungah pawfahter khawhnak thawnnak/thiltikhawhnak zong an ngei," tiah kan hmuhnak a um lo. Kan hmuhmi cu "Minung chungah khuachia cu an lut i buainak le hnahnawhnak an pek hna," timi cu hmun tampi ah kan rel i kan hmuh. Cucaah, "HNAM" kan timi cu khuachia nih an chungah a luh i a um hnawhmi hna (possessed by the devmons) cu an si ko. Cuti a um hnawh hna tikah anmah minung duhmi nakin an chung i a ummi khuachia duhnak nih mongh (control) an si. Kan thluak buaiter dingah le pakhat le pakhat kan i huatnak ding caah cu bantuk an um hnawhnak minung min (name) hna cu an i hlan i midang cungah rian an tuan. Fahnak le tuaitamnak tampi an tuah. An luh i an um hnawhmi minung hna min le an khua min ningte zongin an i chim tawn ko.
A chel caan hoi ah cun pakhat le pakhat kan i huat nakding caah "ka min cu cucu ka si," "ka khua cu cucu a si," ti bantuk hna in aa hleng tawn. Cu tikah, khuachia nih a tuaitammi hna minung le an chungkhar hna nih cun khuachia nih an min aa hlanmi minung le an chungkhar hna cu "hnam ngei" tiah kan auh cang hna. Kan huat hna. Mi thianglo tiah kan auh colh hna.
5. "HNAM" cu cii in a um maw? A um lo. Cii in a um ahcun blood group dangte an ngei ve hnga. Devil Blood group an si a hau hnga i blood group "D" an si a herh hnga, he...he... Asilo ah, an fale vialte nih an ngeih dih hnga. "HNAM" ngeimi hna nih an hrimmi an fale lak ah micheu cu a luatmi/him mi zeimawzat kan hmuh tawn. Kan fiannak ding caah, hitin vun chim ka duh. Khuachia cu a chel caan ah cun minung pakhat chungah khuachia pakhat nih a um hnawh tawn. Asinain, a chel caan ahcun minung pakhat chungah khuachia tampi (Luke 11:26 - 7 demons) nih an um hnawhmi an um ve. Marka 5:9 hoi ah cun pakhat pa chung i a ummi khuachia nih cun "ka min ah legion ka si,zeicahtiah mi tampi kan si" tiah a ti. Batallion pakhat deng si dawh an si.
Cu bantukin khuachia tampi nih a um hnawhmi pa/nu nih fa a ngeih tikah cu an fale cheukhat chungah cun an lut colh ve i inn dang an chuak colh ve. Cucaah, "HNAM" cu thisen in a kal tiah kan ti tawnnak a si.
6. Ziah an fale vailte chungah inn dang cu an chuah ko lo, an fale cheukhat chung lawngah an chuah? Hitin vun fianter ka duh. Tahchunhnak ah, minung pakhat chungah khuachia 7 an um hnga. Cu nu/pa nih cun fa - 10 a ngeih hna hnga. Khuachia cu pa-7 lawng an si caah an i deih ti lo. Cucaah, an fale cheukhat hna cu an luatnak a si. Cun, zumhnak a thawngmi an fale hna cu an luat hrimhrim ko lai.
7. Nu le va karlak ah hngam cu i chonh khawh a si maw? A si lo. Acunglei i kan chim bantukin chungum khuachia tu inn dang an chuak kho. Tahchunhnak ah, Leng -Z chungah khuachia pathum (3) an um hnga. Tv.-Y cu pasal ah a vat. A pasal Y zong cu zumhnak a dermi le a ding le a ei-mi a si ve caah (piangthar mi a silo caah) a nupi -Z chung i khuachia pa-1 maw, pa-2 dek inn dang a/an chuak i a pasal-Y chungah cun a/an um. Asilo cem ah, cu hna nupa hna cu coka (kitchen) le innpi (guest room) bantuk ah an hman cang hna. Cu bantuk cu an i chonh tiah kan ti tawnmi cu a si tiah ka zumh.
Biatlang kawmnak:
Lai mi nih "Hnam" tiah akn timi cu khuachia riantuannak a si ko. Khuachia nih lai mi-zumtu hna kan zumhnak buaiter dingah le pakhat le pakhat kan i huat nakding caah midang min hmang riangmang in mi zeimaw cungah fahnak le tuarnak phunphun a tuahmi thil a si. Cun, piantharnak a ngei lomi mi zeizaw chungah um in midang cungah cu khuachia riantuannak cu "HNAM" riantuannak kan timi cu a si ko tiah keimah pumpak zumhning ka vun langhter.
PS: YCCF timi Yahoogroups biaruahnak ah an i ceihmi chung ah lakmi a si:)
Written by Benny pa/CK Hrang Tiam
Asinain, hi kong hi sensitive issue ngai a si caah research tuah a har ngaimi thil a si fawn. Cucaah, tuah dingah ka con pah fawn. Hmailei ah ka tuah khawhlo hmanh ah ka student pakhat khat tal research tuahter ka timhmi a si.
Pumpak Zumhning:
"HNAM" kong he pehtlai in atanglei bantuk in ka zumhning a tawinak in ka vun langhter ve.
1. "HNAM" riantuannak cu al-awk tha loin kanmah laimi lakah hmuh-awk in an um ko. Cucaah, a umlo tiah kei nih cun ka al duh lemlo. Zeicahtiah, case tampi study tuah cawk loin lai mi lak ah an um.
2. Asinain, "HNAM" cu mi vialte nih kan ngeihmi a si timi cu ka pawmmi a si lo. Mizo nih "Hnam" an timi cu "miphun" tinak caah an hmanmi a si. Culei hoih in kan chim duhnak dah a si tilo ahcun "HNAM" cu kan ngei dih hrimhrim lo.
3. Hlan lio (Khrihfa kan si hlan ah - pre-christian era) ahcun kan pi le kan pu hna nih khuachia (Demons) hna cu an rak biaklawng si loin an mit hrimhrim in an rak hmuh khawh tawn hna. An aw zong an theih bal hna. Atu zongah a nung rihmi tar nu le tarpa cheu hoi nih cun chimhding zeimawzat cu an kan ngeih rih. Asinain, Jesuh thawngtha kan laitlang ah a hung phak tikah (Jesuh cu khuachia le khuavang hna cungah nawlngeitu a si caah) Jesuh kan zumhnak ruangah teitu nakin teitu sinak (Rom. 8:36) cu Khrih kan zumhnak thawngin kan hun tinco tikah laimi zumtu nih khuachia riantuannak hna cu tei a si caah khulfum tete in an lo ziahmah. An um tawnnak cerh, tlang le lungpang hna cu raltha ngai in kan phur hna, kan riamh ngam cang hna. Cucaah, hmundang ah an i thial caah maw, zumtu mithmuh le hna theih ah an i langh ngam tilo caah dek, hmuh le theih a tlawm chin lengmang.
Asinain, khuachia le an bawicem pa Satan cu a zertuk caah a tactic a thlen ve. Fawi tein sungh a duhmi an si lo. Eve le Adam a thlem hna nak le Jesuh a thlemnak kongah (Luke 4:13) a rian caah (Lih chim pa, mi that pa le biatak ngeilo pa a sinak) tei a ma mi pa a si (Hard working person). Cucaah, laimi zumtu kan zumhnak hnahnawh dingah le pakhat le pakhat kan i huat nakding caah "HNAM" hmangin laimi cu a kan buaiter.
4."HNAM" cu zeidah a si ne hnga? Baibal kan rel tikah "Minung cu "HNAM" a ngei dihmi kan si caah a hnam a thawng deuhmi nih midang cungah pawfahter khawhnak thawnnak/thiltikhawhnak zong an ngei," tiah kan hmuhnak a um lo. Kan hmuhmi cu "Minung chungah khuachia cu an lut i buainak le hnahnawhnak an pek hna," timi cu hmun tampi ah kan rel i kan hmuh. Cucaah, "HNAM" kan timi cu khuachia nih an chungah a luh i a um hnawhmi hna (possessed by the devmons) cu an si ko. Cuti a um hnawh hna tikah anmah minung duhmi nakin an chung i a ummi khuachia duhnak nih mongh (control) an si. Kan thluak buaiter dingah le pakhat le pakhat kan i huatnak ding caah cu bantuk an um hnawhnak minung min (name) hna cu an i hlan i midang cungah rian an tuan. Fahnak le tuaitamnak tampi an tuah. An luh i an um hnawhmi minung hna min le an khua min ningte zongin an i chim tawn ko.
A chel caan hoi ah cun pakhat le pakhat kan i huat nakding caah "ka min cu cucu ka si," "ka khua cu cucu a si," ti bantuk hna in aa hleng tawn. Cu tikah, khuachia nih a tuaitammi hna minung le an chungkhar hna nih cun khuachia nih an min aa hlanmi minung le an chungkhar hna cu "hnam ngei" tiah kan auh cang hna. Kan huat hna. Mi thianglo tiah kan auh colh hna.
5. "HNAM" cu cii in a um maw? A um lo. Cii in a um ahcun blood group dangte an ngei ve hnga. Devil Blood group an si a hau hnga i blood group "D" an si a herh hnga, he...he... Asilo ah, an fale vialte nih an ngeih dih hnga. "HNAM" ngeimi hna nih an hrimmi an fale lak ah micheu cu a luatmi/him mi zeimawzat kan hmuh tawn. Kan fiannak ding caah, hitin vun chim ka duh. Khuachia cu a chel caan ah cun minung pakhat chungah khuachia pakhat nih a um hnawh tawn. Asinain, a chel caan ahcun minung pakhat chungah khuachia tampi (Luke 11:26 - 7 demons) nih an um hnawhmi an um ve. Marka 5:9 hoi ah cun pakhat pa chung i a ummi khuachia nih cun "ka min ah legion ka si,zeicahtiah mi tampi kan si" tiah a ti. Batallion pakhat deng si dawh an si.
Cu bantukin khuachia tampi nih a um hnawhmi pa/nu nih fa a ngeih tikah cu an fale cheukhat chungah cun an lut colh ve i inn dang an chuak colh ve. Cucaah, "HNAM" cu thisen in a kal tiah kan ti tawnnak a si.
6. Ziah an fale vailte chungah inn dang cu an chuah ko lo, an fale cheukhat chung lawngah an chuah? Hitin vun fianter ka duh. Tahchunhnak ah, minung pakhat chungah khuachia 7 an um hnga. Cu nu/pa nih cun fa - 10 a ngeih hna hnga. Khuachia cu pa-7 lawng an si caah an i deih ti lo. Cucaah, an fale cheukhat hna cu an luatnak a si. Cun, zumhnak a thawngmi an fale hna cu an luat hrimhrim ko lai.
7. Nu le va karlak ah hngam cu i chonh khawh a si maw? A si lo. Acunglei i kan chim bantukin chungum khuachia tu inn dang an chuak kho. Tahchunhnak ah, Leng -Z chungah khuachia pathum (3) an um hnga. Tv.-Y cu pasal ah a vat. A pasal Y zong cu zumhnak a dermi le a ding le a ei-mi a si ve caah (piangthar mi a silo caah) a nupi -Z chung i khuachia pa-1 maw, pa-2 dek inn dang a/an chuak i a pasal-Y chungah cun a/an um. Asilo cem ah, cu hna nupa hna cu coka (kitchen) le innpi (guest room) bantuk ah an hman cang hna. Cu bantuk cu an i chonh tiah kan ti tawnmi cu a si tiah ka zumh.
Biatlang kawmnak:
Lai mi nih "Hnam" tiah akn timi cu khuachia riantuannak a si ko. Khuachia nih lai mi-zumtu hna kan zumhnak buaiter dingah le pakhat le pakhat kan i huat nakding caah midang min hmang riangmang in mi zeimaw cungah fahnak le tuarnak phunphun a tuahmi thil a si. Cun, piantharnak a ngei lomi mi zeizaw chungah um in midang cungah cu khuachia riantuannak cu "HNAM" riantuannak kan timi cu a si ko tiah keimah pumpak zumhning ka vun langhter.
PS: YCCF timi Yahoogroups biaruahnak ah an i ceihmi chung ah lakmi a si:)
Written by Benny pa/CK Hrang Tiam
No comments:
Post a Comment