Tukum January in October thladih tiang ah KNLA (Karen ralkap) le Kawl ralkap hi 1135 an i kap. Kawl ralkap 956 an thi i, 1305 hma an pu. Karen tu cu 13 kan thi i, 18 hma kan pu an ti. Attached file hi rak cio uh law, mah hi KNU Vice Chairman Pado Saw David Therkabaw nih a kan kuat mi a si. Kachin lei ah hin a hnubik cazin ka theih tawk ah June in a tu tiang ah hin 90 renglo ral an i tuu i, a thi a lo hi Kawllei in an tam hringhran ko 300 tluk cu an si lai dah! Ruahawk pakhat:
Ralkap tuanbal ka si caah, ralram ah kan hawi le kan hmaika ah an rilh ko, an hrum ai cuahmah buu ah an thi le an hnai he an nunnnak a loh lio zohtluk a har mi hi a um lai lo. An hma faktuk bu in a hrim in thih a si tik ah, a fak hringhran ko. Kachimduhmi cu, ral an thih hi zeimaw can ah cun kan di a riam men lai. Keicu ka zang an fak tawn. An dohmi ral ah hin an nunnak thih a phu lo tiah kan ruah. A si ko.An doh mi ral hi an nih ca ah cun, pawcawmnak rian a si ti in ruah a hau. Kan nih lei nih a tam deuh nih cun ram le miphun ca ah kan ruah tik ah thih le loh ton tik ah "Pasal Tha" kan co ter hna. An coawk a si ko. Sihmanhsehlaw, tulio kawl ralkap bawi an thinlung ah, an ralkap hna tamtuk an thih cuahmah mi nih hin khattalei ah lungdonghnak le thachiatnak a chuahter men ko lai na in, khatlei kam ah cun hitluk hin maw kan thih! khoi! cheihve hna uh sih TBT a si kho than. Cutik ah an vanlawng, an helicopter, an miak[pi etc,.. hna he Vom an hliam mi bantuk an si kho ti hi a si. Khua a ka ruahter tawn.
Kan ram ah a tu lio dohnak a daih a herh ko. Thla kan cam rih ko hna lai. A rauh hlan ah kan ram kong ah biatha tha tha kan theih ko lai. Biakchawnhnak an tuah hnik mi hi kaphnih ca ah "Win Win" a si khawhnak hnga a biapi tuk. Kachin lei zong a rauh hlan ah kahnak an ngol ko lai ti hi biakan theih pah lengmang ko. Sihram ko seh!
Bialak ah: Spain ram Barcelona ah zarhkhat chung ram 21 in minung 26 kha "Constitutional Building Process" ti mi "Uknak phung sersiamnak"
kong cawnpiak ding an ka sawm ve ca ah ka rak kai kho ve. Note: Constitution Writing a si lo ti kha vun chim ta duak ning theihpalhlonak ding ah. Laimi tampi nih Barcelona hi cu kan ca ah thilthar a si lo. 1992 Olympic Game hi Barcelona ah an rak tuah i, cu cu Olympic Stadium pawngte ah cun Montjuic Cassel "Castell de Montjuic" ti mi a um i, hlan lio thong in le ralhruang a si. Cutuanbia kong an ka chimh ah cun ka ngeih a chia hringhran. Spain hi ralkap uknak ah can sautuk an rak um bal ve. Cun, an biakin Cathedral hi Vawleicung ah a nganbik a si men ko lai dah ka ti. Zoh a phu hrim. Real Madrid le Barcelona kan um chung ah an chuih i, zan ah khuachung ah kan va leng. Europe pumpuluih chuih zoh an i nuamh zia hi hmu ve cio uh law ti ka duh ngai. Kan nih Canada ca ah cun nan pumpuluih chuih zoh cu Ice Hockey kan zoh hnu ah cun a nuar tuk mi a lo i, a nuam lo ee ka ti hna. NHL zoh hnu ah Football zoh cu, a nuar ngaimi a lo hrim.
Tuzing deilei 4 in ka tho i, 6 am flight in Rome ah ka ra. Zing 9 ah Hotel kaphan na in, zanlei 2 hlan "chek in" tuah khawh a si lo caah nikhat tour bus ticket kaa cawk i, keimah te lawng zing 9 in zanlei 5 tiang bus he, ka ke he Taxi he ka vah ve tak tak cu ka cei ko. Ka vah lio ah cun zeihmanh thabat le mitkuh vuailo ka thei lo na in, Hotel kaphak ah cun ka tho kho ti lo. "Lam vialte hi Rome an phan dih" an rak ti mi hi nihin ni tiang zong ah a hman ko rua. Vartican city, Colosseum hrawng ah keimah te lawng kaa chawk. Vawleicung mivialte hi an tling lai dah! A khuachung hi Europe ramkipsiseh, Asia, Latin America, America, kan khat. Van a thiang i, minmei deh khat zong a um lo. Khua a sik tuk fawn lo i, ka khuaruah a har mi cu: Rome khua a zapi hin Museum bantuk a si ko. Rome tlawn aa tim mi nna um ah cun ruahnak tampi kan cheuh khawh hna lai. Roman Empire pennak, RCM an rak i thawknak tuanbia le an Pope hna kong, Paul a thihnak khua, Gladiators hna an rak i thah nak, salzuatnak, Krihfa hremnak tuanbia, Meditarinian rili le a pawngkam hrawng, Ralpi 2 nak ah Hitler hawi le, Sonia Ghandhi le Sofias Lowrence te khua, World cup an rak chuihnak ...... tuanbia tamtuk a ngei. Tlawnphu tak tak a si ko. Hotel le kal le um man belte cu a fak ngai ngai ramdang he tahchunh ah cun. Can kan ngeih deuh tik ah, hmanthlak zong kan tar lai i, an kong zong theihtlei a si mi cu kan tial te lai.
Par Tha pa (Victor Biak Lian)
Chikkhat Rome, Italy
Ralkap tuanbal ka si caah, ralram ah kan hawi le kan hmaika ah an rilh ko, an hrum ai cuahmah buu ah an thi le an hnai he an nunnnak a loh lio zohtluk a har mi hi a um lai lo. An hma faktuk bu in a hrim in thih a si tik ah, a fak hringhran ko. Kachimduhmi cu, ral an thih hi zeimaw can ah cun kan di a riam men lai. Keicu ka zang an fak tawn. An dohmi ral ah hin an nunnak thih a phu lo tiah kan ruah. A si ko.An doh mi ral hi an nih ca ah cun, pawcawmnak rian a si ti in ruah a hau. Kan nih lei nih a tam deuh nih cun ram le miphun ca ah kan ruah tik ah thih le loh ton tik ah "Pasal Tha" kan co ter hna. An coawk a si ko. Sihmanhsehlaw, tulio kawl ralkap bawi an thinlung ah, an ralkap hna tamtuk an thih cuahmah mi nih hin khattalei ah lungdonghnak le thachiatnak a chuahter men ko lai na in, khatlei kam ah cun hitluk hin maw kan thih! khoi! cheihve hna uh sih TBT a si kho than. Cutik ah an vanlawng, an helicopter, an miak[pi etc,.. hna he Vom an hliam mi bantuk an si kho ti hi a si. Khua a ka ruahter tawn.
Kan ram ah a tu lio dohnak a daih a herh ko. Thla kan cam rih ko hna lai. A rauh hlan ah kan ram kong ah biatha tha tha kan theih ko lai. Biakchawnhnak an tuah hnik mi hi kaphnih ca ah "Win Win" a si khawhnak hnga a biapi tuk. Kachin lei zong a rauh hlan ah kahnak an ngol ko lai ti hi biakan theih pah lengmang ko. Sihram ko seh!
Bialak ah: Spain ram Barcelona ah zarhkhat chung ram 21 in minung 26 kha "Constitutional Building Process" ti mi "Uknak phung sersiamnak"
kong cawnpiak ding an ka sawm ve ca ah ka rak kai kho ve. Note: Constitution Writing a si lo ti kha vun chim ta duak ning theihpalhlonak ding ah. Laimi tampi nih Barcelona hi cu kan ca ah thilthar a si lo. 1992 Olympic Game hi Barcelona ah an rak tuah i, cu cu Olympic Stadium pawngte ah cun Montjuic Cassel "Castell de Montjuic" ti mi a um i, hlan lio thong in le ralhruang a si. Cutuanbia kong an ka chimh ah cun ka ngeih a chia hringhran. Spain hi ralkap uknak ah can sautuk an rak um bal ve. Cun, an biakin Cathedral hi Vawleicung ah a nganbik a si men ko lai dah ka ti. Zoh a phu hrim. Real Madrid le Barcelona kan um chung ah an chuih i, zan ah khuachung ah kan va leng. Europe pumpuluih chuih zoh an i nuamh zia hi hmu ve cio uh law ti ka duh ngai. Kan nih Canada ca ah cun nan pumpuluih chuih zoh cu Ice Hockey kan zoh hnu ah cun a nuar tuk mi a lo i, a nuam lo ee ka ti hna. NHL zoh hnu ah Football zoh cu, a nuar ngaimi a lo hrim.
Tuzing deilei 4 in ka tho i, 6 am flight in Rome ah ka ra. Zing 9 ah Hotel kaphan na in, zanlei 2 hlan "chek in" tuah khawh a si lo caah nikhat tour bus ticket kaa cawk i, keimah te lawng zing 9 in zanlei 5 tiang bus he, ka ke he Taxi he ka vah ve tak tak cu ka cei ko. Ka vah lio ah cun zeihmanh thabat le mitkuh vuailo ka thei lo na in, Hotel kaphak ah cun ka tho kho ti lo. "Lam vialte hi Rome an phan dih" an rak ti mi hi nihin ni tiang zong ah a hman ko rua. Vartican city, Colosseum hrawng ah keimah te lawng kaa chawk. Vawleicung mivialte hi an tling lai dah! A khuachung hi Europe ramkipsiseh, Asia, Latin America, America, kan khat. Van a thiang i, minmei deh khat zong a um lo. Khua a sik tuk fawn lo i, ka khuaruah a har mi cu: Rome khua a zapi hin Museum bantuk a si ko. Rome tlawn aa tim mi nna um ah cun ruahnak tampi kan cheuh khawh hna lai. Roman Empire pennak, RCM an rak i thawknak tuanbia le an Pope hna kong, Paul a thihnak khua, Gladiators hna an rak i thah nak, salzuatnak, Krihfa hremnak tuanbia, Meditarinian rili le a pawngkam hrawng, Ralpi 2 nak ah Hitler hawi le, Sonia Ghandhi le Sofias Lowrence te khua, World cup an rak chuihnak ...... tuanbia tamtuk a ngei. Tlawnphu tak tak a si ko. Hotel le kal le um man belte cu a fak ngai ngai ramdang he tahchunh ah cun. Can kan ngeih deuh tik ah, hmanthlak zong kan tar lai i, an kong zong theihtlei a si mi cu kan tial te lai.
Par Tha pa (Victor Biak Lian)
Chikkhat Rome, Italy
No comments:
Post a Comment