Na Ngol Lo i Na Pehzulh ko Ahcun, Ka Biakam Ka Let Lai Lo

Atu lio Kawlram nih ram sersiamnak a tuah cuahmahmi hi a ngol lo ahcun U.S-Burma pehtlaihnak hi kan thanchoter lai tiah US Secretary of State Hillary Clinton nih bia aa kam. 

President Thein Sein he an i ton hnuah, Mrs. Clinton nih a chimmi cu (Kawlram) hi a hmanmi lam a zulh peng ko ahcun Kawlram hruaitu hna cu U.S nih laksawng a pek hna lai tiah a chim.

Nay Pyi Daw ah President Thein Sein cu Mrs. Clinton nih a ton khawh in, Daw Aung San Suu Kyi cu Rangoon ah a va ton ve.

U.S nih hin Kawlram ralkap hruaitu hna cungah sanction a tuahmi hi a fak ngai. Sihmanhsehlaw, tu kum chungah sersiamnak tete a tuahmi hna nih hin caan sau pi ramdang he chonh-biak loin a umnak cu a donghter cang men lai tiah an ruah.

hmanh kal ti ding in kan i tim ko. Cu lungthin put cun, kap-hnih pehtlaihnak hi zeitindah kan thanchonter khawh lai timi hi kan i ceihmai hna" tiah report hna sinah Mrs. Clinton nih a chim.

"A hmanmi lam ah pehzulh tein na kal peng ko ahcun, nangmah he sersiam ti ding le kal ti ding in U.S zong aa timhtuah ko" tiah Mrs. Clinton nih a chim. "Sersiamnak nan tuahmi zoh tik hna ah an thang chin lengmang ko, sersiamnak hi pipa ngaiin nan pehzulh ko ahcun kanmah zong lam hla deuh 

"Caan a vun kal deuh ve lai i, hihi siaherhnak chimnak caah a biapimi lam, hruainak, le thanchonak caah dirpinak, cun kaphnih i zumhnak caah a biapimi an si kho te lai" tiah a chim.

Suu Kyi umnak hmun ah meeting an ngeih hlanah, Mrs. Clinton le Mrs. Suu Kyi cu zanriah ei tinak an ngei. Atu hi hmai-tonh tein an i ton a vuikhatnak a si. Mrs. Clinton nih Suu Kyi cu pumpak in thazang aa pe khomi a si tiah a fak ngaingai.

Kawlram cozah nih tuah hna seh tiah Mrs. Clinton nih a chimmi:

1. Kawlram nih North Korea he phunglam loin pehtlaihnak a ngeihmi hi cik u tiah a fial hna.

2. Ram chung caan sau tuk buainak le "ethinic conflict" donghter cang u tiah a fial hna.

3. Ralp a pahnihnak lio ah a thimi ralkap a tangmi hna kha hmun khat ah kawl ti ding in U.S nih Kawlram he biaruah tinak a on lai.  

4. President Thein Sein sinah President Barack Obama nih pumpak ca a kuatmi zong a pek, cu ahcun democracy leiah kawlram nih kar an hlannak kong a si. A thangthat ngaingai, nain democracy tling hmuhnak ding caah tam pi tuah ding nan ngei rih a ti.

Mrs. Clinton le President Thein Sein biaruah ding in an thut ti lio ah, Mrs. Clinton nih, "nihin kaahin ka um, zeicatiah nangmah le na cozah nih kar nan hlan i, nan mipi caah nan tuahmi hna hi President Barack Obama le keimah nih kan hmuh tik hna ah kan i lawm tuk" tiah a chim. President Thein Sein nih a chimmi cu na kan tlawnmi cu philh awk tha loin sullam a ngei lai tiah a ti ve. Innchung ah meeting  an tuah hlanah, a chimmi cu, na kan tlawnmi cu pehtlaihnak karhlannak thar le tuanbia a si lai tiah President Thein Sein nih a ti.

Mrs. Clinton nih khawtlawn aa thawh hlanah cimmi cu thanchonak caah cawlcanghnak a ummi hi thlennak taktak a chuah pitu a si lai tiah ruahchannak ngan pi ka ngei e a ti.

1955 ah John Foster Dulles thokin cun Mrs Clinton hi Kawlram a vun thlawng hmasatu a si. Kawlram cu ralkap nih 1962 ah an rak lak, ni kum tiang khan uknak tha lo taktak nih kan ram cu a uk. 2011 lawngin ralkap uknak cu ralkap a si lomi hna kut ah a phan than.

Atu cozh zonghi tuan deuh ralkap bawi pawl nih a uk pah rih ko nain, ram chungah sersiamnak tampi an vun chuah pi, cun thongtla pawl zong tampi chuah an si.

Mrs Clinton a rat hlanah hin, President Barack Obama zong Asia a vun tlawng hna, a tlawn lio hna ah tampi theihternak a tuahmi cu Asia ram chungah U.S zong pehtlaihnak tha ngeih ding in duhnak a ngei tiah a chim.

Mrs. Clinton nih kawlram a tlawnmi hna hi China nih cun fak ngaiin an doh.

Global Time nih ralrin a pekmi cu US nih China hmunhma a det lai lo tiah a ti. China nih Burma-US pehtlaihnak cu a poi lo nain China interest hna a hnawh hlah seh ti an duh ve. Aruang cu China nih Kawlram ah hin investment tam tuk aa chiah ve caah a si. ( Global Chin News Chung in lak mi)