United Nationalities Federal Council (Union Burma) central meeting cu Thailand ramri ah a luancia Nov. 28, 2011 ah khan an tuaknak kong meeting a kai vemi pakhat nih a chim. Hi party chungtel (6) chung in party pakhat ah central committee aiawhtu minung 3 cio an kai. "Hi meeting ah a hleice in ralkap cozah he biaruahnak kan ngeihmi kongkan i caihhmai. Chungtel pawl nih a pakhatnak ah hnatlaknak kan ngeihmi cu Kawlram cozah nih doh hremnak a tuahmi daihter ding in aa timhmi cung ah chungtel pakhat cio nih kan lungtlinpi ko. Sihmanhsehlaw doh hremnak daihter ding ca a si lo. Ahohmanh nih a tu tiang hin hi kong ah kan biakamhnak kan phelh rih lo. A tu zong ah dirpi peng ding in kan i zuam cio lai tiah", meeting a kaimi minung pakhat nih a chim.
UNFC chungtel kip nih, ralkap cozah he kahdaihnak ding caah voikhat cio tonbiaruahnak kan ngei cang. Hi meeting ah lung i hmuhnak kan ngeihmi cu 1) Party pakhat cio nih tonbiaruahnak cu kan ngei ko nain kahdaihnak ding catu cu kan cohlang rih lo. 2) Kahdaihnak ding caan cu kan zate kan lungtlin tik lawng ah kan zate in ngawl ding. 3) Ramkhel kong ah tonbiaruahnak caan kan hmuh khawh a si cun kan zate in hmunkhat ah tonbiaruahnak ngeih ding hna an si.
UNFC an dirhnak in central committee dirhmun in meeting voikhat hmanh an ngeih bal rih lo caah hi meeting an tuahnak hi a si. UNFC chungtel hna cu; CNF, KIO, SSPP, KNPP, KNU, MNSP, PNLO, PSLF, ANC, LDU, WNO le KNO hna an si. UNFC cu Feb. 12, 2011 ah tuahmi Nationalities Assembly ah an dirhmi a si.
UNFC nih a timh bikmi cu miphun kip (Kawlrammi) i tlukceo cio nak le ramkulh cio ah mahte in uk khawhnak phung (Federal) ser ding hna an si.(Global Chin News Chung in lak mi)
No comments:
Post a Comment