Vulei thar an hmuh

NASA nih arfi hna lak ah hlathlainak tuah ding in an thlahmi Kepler satellite mission timi nih nihin ah khan vawlei thar pakhat a hmuh khawh tiah NASA nih an thanh. Mah tihin an hmuh tharmi vawlei thar ah hin 'ti' le 'thlitu' thingkung ram hna an um lai tiah zumhnak nganpi an ngei. Cu hlei ah planet adang 1000 zong mah cu Kepler nih cun a hmuh chap tiah NASA nih a chim.
Mah tihin vawlei thar an hmuhmi hi Kepler hlathlainak vanlawng nih cun naih tein hman a thlak khawh ti a si. Naa belte in mah cu vawlei thar cung ah va kal i hlathlainak tuah ding belte a hau rih dingimi thil a si.Thilnung hna saram le minung bantuk
NASA nih a hmuh tharmi vawlei cu Kepler-22b tiah a min sak a si. Kepler-22b cu tulio minung kan nunnak vawlei nakin a let 2.4 in a ngan deuhvak ti a si. Naih tein hman an thlak khawhmi ah hin hring dildel in a lang ti a si.
Zei bantuk thilnung le lung phun hna mah cu vawlei thar Kepler-22b ah a um lai tihi sceintist hna nih an chim kho ngai ngai rih lo.

Mah hi vawlei thar cu atu minung nunnak vawlei hin 600 light-year (ceunak kum zaruk) ai hlat ti a si. Light-year timi cu thil ai hlat le naihnak tahnak phunkhat a si. Kilometer in tah ah cun, light-year pakhat cu 10 trilion kilometer (10 x 10¹⁵ _{meters) he ai khat. Si lo le meng 6 trilions he ai khat tinak si. Trilian pakhat cu (One million million)million lawngte  he ai khat.}  Cu hlan ah cun Planet hi (9) lawng a si tiah rak ruah a si. Mah hi Kepler hlathlainak nih hin Planet tampi a hmuh chap.